Dili 23-12-25 Sekretariu Estadu Peska (SEP) akompaña husi Sekretariu Estadu Pekuária hamutuk ho komunidade suku Madohi kolleta ikan bee midar hamutuk kolam rua, atividade kolleta ikan ne’e komunidade sira mós fan direta ikan iha serominia fatin ho kada kilo Dolar Amerikanu $.3,50.

Iha Diskursu Sekretariu Estadu Peska Domingos da Conçeição dos Santos “Mau-caro”, fo apresia ba grupu hakiak nain sira ne’ebé mak durante ne’e iha vontade tebes hodi hakiak ikan maske hasoru sira hasoru dezafiu maibé iha vontade nafatin hodi hakiak ikan, dezafiu ne’ebé grupu hasoru sai hanesan materia no lisaun ida hodi movita nafatin grupu sira atu bele hakat neneik ba oin.

SEP Peska hatutan ba oin sei tau nafatin orsamentu ba grupu hakiak ikan sira atu nune’e sira bele hakiak nafatin ikan hodi bele responde ba nesesidade komunidade sira nian, maske sira hasoru dezafiu oioin maibe ita nafatin akonpaiña sira hodi fo asistente tenkniku.

Iha fatin hanesan xefe suku Madohi Bernandino de Cristo, apresia ba IX Governu liu MAPPF no mos grupu hakiak na’in sira, ita ukan-an lao tur tane liman de’it maibé ukun-an ho modalidade servisu tanba haree ba kestaun social no ekonomia.

Xefe suku ne’e mós husu ba grupu sira hakarak kosistensia ba grupu ne’ebé mak eziste, karik governu fo apoiu ruma tenki uja ho diak hodi bele dezenvolve nafatin ikan iha setór akuakultura iha suku madohi, kolleta ne’e hotu ba grupu sira tenki kontinua hadia fila fali kolam ne’ebé iha hodi bele hakiak ikan.

Iha serimonia kolleta ikan ne’e hetan partisipasaun maximu husi SEP Peska, SEP Pekuária no Xefe suku Madohi, Xefe Aldeia, Delegadu, Grupu hakiak ikan ba Futuru no mos komunidade sira.