Liquiça- Ministério Agrikultura Pecuária Pesca no Floresta (MAPPF) liu husi Secretario Estado Pescas (SEP) Domingos da Coinceiçao dos Santos Mau-caro ofisialmente entrega ona mini merkadu Ikan ba Prezidente Autoridade Municipal (PAM) Liquiça Paulino Ribeiro atu bele jere merkadu refere. Atividade ne’e realiza iha loron Kuarta (17-12-25) iha Aldeia Mota-Ikun Suku Mota-Ulun.

Iha entrevista SEP, Domingos da Coinceiçao dos Santos Mau-caro esplika, obra ne’e hari’i, tanba inisiu husi atividade negosiante sira ne’ebè mak fa’an ikan ida dalan ninin, ita observa kontamina ona ho rai rahun no lalar sira, tanba ne’e mak hamosu hanoin hodi konstroi mini merkadu ne’e atu ita nia vendedor ikan sira bele konsentra hotu iha fatin ne’e.

Governante ne’e hateten, tinan kotuk tau osan atu bele hari’I mini merkadu ne’e, maibe tinan kotuk la konsege konstrui tanba problema ho rai, inisiu planu atu hari;I iha Tibar, idantifika mos fatin rua, maibe fatin refere disputa hela, tanba ne’e mak hetan fali fatin iha Ulmera hodi halo konstrusaun ida ne’e.

SEP informa, Mini merkadu ne’e kompleta ho fasilidade sira hanesan Sentina haris fatin no mos be torneira sira no fatin fa’an nian, iha mòs makina produs esbatu/jelu atu bele konserva ikan, iha mòs cool Box no frijer bai ta nia peskador balu.

‘‘Imi husu kria kondisaun, ami pronto konstrui fatin ne’e hodi bele fasilita imi nia atividade negosiu, tanba ne’e hau ejije imi nia responsabilidade hodi kontinua kuidadu, atu bele uza ba tempu naruk.‘‘ dehan SEP.

Iha fatin hanesan PAM Liquiça Paulino Ribeiro salienta, Politika jestaun ba oin mak sei haree peskadòr sira parte Kaitehu nian obrigatorio tenki konsentra iha Mini merkadu ne’ebè mak governu hari’I iha tasi ibun husik sai hanesan fatin turizmu.

“Vendedòr sira iha Munisìpiu Liquiça ha’u sei la haree tan vendedòr sira fan no tara tan ikan iha dalan ninin, karik sira fa’an ha’u sei haruka PNTL Liquiça kaer lori mai iha fatin ida ne’e.Depois ne’e tekniku sira mòs sei fo formasaun ba vendedòr sira atu bele utiliza didiak merkadu ne’e. “tenik PAM Liquiça.

Seremonia Handover ne’e marka prezensa husi SEP, PAM Peskadòr sira no mos partisipasaun masimu husi komunidade sira. (ekipa DMEA)