𝐏𝐚𝐥𝐚́𝐬𝐢𝐮 𝐆𝐨𝐯𝐞𝐫𝐧𝐮, 𝟏𝟕 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Sua Eselénsia Ministru Petróleu no Rekursus Minerais, Francisco da Costa Monteiro aprezenta Kuarta-Feira ne’e, projetu tolu ba Konsellu Ministru, relasiona ho dezenvolvimentu kampu Greater Sunrise, Bayu Undan no implementasaun infraestruturas estratéjikas iha Tasi Mane.

Projetu ne’ebé deliberadu iha Reuniaun ne’ebé lidera husi Sua Eselénsia Primeiru Ministru Kay Rala Xanana Gusmão, assosia iha programa A13, kona-ba dezenvolvimentu Kampu Gás Greater Sunrise no garante katak, gazodutu mai Timor-Leste, autorizasaun ba dezpeza ba realizasaun levantamentu jeotékniku destinadu ba gazodutu husi Greater Sunrise no gazodutu husi Bayu Undan. Insiativa ne’e kobre lote rua ba periódu entre tinan 2025-2027, lote dahuluk korresponde ho dólar amerikanu millaun 36 no millaun 12,9 dólar amerikanu alokadu ba lote daruak.

Konsellu Ministru mos aprova autorizasaun ba despeza ba reabilitasaun husi trosu existente husi auto Estrada, inklui konstrusaun passajens subterráneu. Intervensaun ne’e inklui iha subprograma ba dezenvolvimentu infraesruturas ba apoiu projetu Tasi Mane, ne’ebé reprezenta valór investimentu hamutuk dólar amerikanu millaun 13,5.