𝐃Í𝐋𝐈, 𝐉𝐀𝐍𝐄𝐈𝐑𝐔 𝟐𝟎𝟐𝟔 - Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, iha segunda-feira ne’e partisipa iha Lansamentu Distribuisaun Ai-oan no Reflorestasaun ne’ebé hala’o iha rai mean, Suku Wenunuk, Postu Administrativu Metinaru, Munisípiu Díli.

Serimónia ida ne’e organiza hosi Sekretáriu Estadu Florestas, Eng. Fernandino Vieira da Costa, no hetan akompañamentu husi Sekretáriu Estadu Peskas, Sekretáriu Estadu Terras no Propriedade, ho mós Prezidente Autoridade Munisípiu Díli.

Eventu ida ne’e nu’udar parte husi esforsu governu atu promove protesaun ambientál, konservasaun natureza no hadi’a sustentabilidade rai, liu-liu iha área sira ne’ebé risku ba degradasaun ambientál.

Partisipasaun komunidade lokál iha serimónia ne’e hatudu entuziasmu aas no kompromisu atu fó kontribuisaun ba reflorestasaun no protesaun ambientál.

Durante eventu, seguransa garante husi PNTL no F-FDTL, hodi asegura hala’o serimónia ho ordem no di’ak.