Metinaro, 12 Janeiro 2025| Ministério da Agricultura, Pecuária, Pesca e Florestas (MAPPF), Liu husi Secretario de Estado das Florestas (SEF), Direção Gerál Florestas(DGF), Hahú Lansamentu Distribuisaun Ai-Oan no Reflorestasaun ba tinan 2026. Segunda-feira ne’e iha Suku Wenunuc, Postu Administrativu Metinaro, Munisípiu Díli.

Intervensaun 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, informa Lansamentu Distribuisaun Ai-Oan no kuda ai-oan ho objetivu atu promove ita nia programa Re-florestasaun no Agro-florestas, nune’e kontinua pratika sustentavel, proteje no konserva ita nia rekursus naturais iha Metinaro.

“Postu Adm. Metinaro rai ida ne’ebé ho nia área kritiku as tebes, oinsa ita nafatin kontinua kuda ai-oan liu husi programa re-florestasaun no agro-floresta hodi nune’e bele rekopera fila-fali funsaun ai-laran no konserva rai ne’ebé mak iha nune’e bele fó sustentabilidade ba dezenvolvimentu hotu ne’ebé ita hala’o” dehan SEF.

Tuir planu Diresaun Geral Floresta sei kuda ai-oan hamutuk 4.444 mill pes ba rai hektares 4 iha Metinaru ne’ebé haleu ho lutu, espesiais ai-oan ne’ebé atu kuda iha rai hectare 4 ne’e ai-konservasaun hanesan ai-kakeu, ai-kasi mangiun entre ai sira ne’e atu hamatak rai no konserva fila-fali rai sira ne’ebé molik.

Aleñde kuda ai-oan ita mós fahe ai-oan, ai-fuan no ai-komersial balun ne’e ita fahe ba komunidade sira atu nune’e sira bele ba kuda iha sira nia plantasaun rasik aban-bairua, sira bele utilija ba komersializasaun hodi hasae rendimentu ekonómia familia uma laran” dehan S.E.SEF.

Ai-oan sira ne’ebé ita kuda iha rai ne’e hamutuk hectares 4, fatin ne'e sei kontrola mós husi ita nia komunidade sira ne’ebe besik, sira mak nain ba fatin ne’e hodi tau matan kuandu tempu bailoron naruk karik sira tenke mai tau matan atu nune’e ema labele sunu no ai-oan balun mate karik sira rasik mak sei troka ai-oan balun ne’ebé mate ho apoiu ai-oan ne’ebé mai husi Diresaun Geral Floresta.

𝐒.𝐄. 𝐒𝐄𝐅, informa Lansamentu Distribuisaun Ai-oan no Reflorestasaun ba tinan 2026 hahú kuda ai-oan iha ne'e tanba ne’e husu ba Komunidade sira iha Timor laran tomak bele hakat ba iha Sentru Viveirus permanente, Viveirus Komunitária ne’ebé mak estabelese iha Munisípiu sira hodi foti ai-oan sira bele ba kuda iha sira nia plantasaun rasik. Entre ai-oan sira ne’ebé komunidade sira foti hodi ba kuda sei hetan kontrola mós funsionáriu tekniku sira iha Ministériu MAPPF, liu husi SEF, iha Diresaun Gerál Florestas.

Atividade ne'e husi Orsamento Geral Estado tinan 2025 maka hanesan programa viveirus ka produsaun Ai oan ne'ebé ita lansa distribuisaun agora no programa ka atividade reflorestasaun hektares 4.

1. Programa produsaun ai oan tinan 2025 iha Viveirus Permanente 4 maka hanesan Centro Viveirus Maubara-Liquisa, Viveirus Permanente Pato/Lospalos-Lautem, Viveirus Permanente Ratahu-Viqueque, Viveirus Permanente Betano-Manufahi no Viveirus Komunitaria 9 iha Municipio Aileu, Ainaro, Atauro, Baucau, Bobonaro, Covalima, Dili, Ermera no Manatuto. Total ai oan ne'ebe produs iha viveirus permanente sira 110.000 pes, no iha viveirus komunitaria 90.000 pes.

Tuir planu tinan 2025 produs deit ai oan 200.000 pes maibe realiza produs 2211.000 pes. Total species ai oan ne'ebe produs 35 pes ne'ebe kompostu husi ai produsaun 40%, ai konservasaun ka protesaun 15%, ai fuan 30% no ai urbana l5 %.

2. Programa reflorestasaun hektares 4 ne'e lokaliza iha aldeia Raimea, suco Venunuc, Posto Administrativo Metinaro. Ai oan ne' ebé kuda iha area ne'e ho total 4.444 pes. Ai oan sira ne'e trabalhadores sira kuda tia ona. Tipu ai oan ne'ebe kuda iha área ne'e maka Ai-kasia mangiun, Ai-Kasia, ai-kakeu, Ai-na, ai-taramba no ai-Dendrolobium ne'ebe oferese husi Jardim by the Bay Singapura.

Razaun hili fatin ne'e tamba tesi ai ba Ai sunu barak liu iha Metinaro no Manatuto nune' e refloresta hikas área balun no mos atu proteze no halo verde ba area besik “Semiteiro Herois da Patria Metinaro".