Baucau 19/01/26 Ministru Agrikultura Pekuaria Peska no Floresta Marcos “MAMETA” da Cruz entrega ekipamentu modernu 20 ba Prezidente Autoridade Municipal Baucau hodi bele distribui ba agrikultor sira nune’e bele hadia no hasae produsaun rai-laran, ekipamentu ne’ebe mak entrega mak hanesan Tratór bo’ot 2, Makina kuda hare 12, makina koa hare 5, Rak/banndeja viverus fatin 3.600, atralado 1.

Iha diskursu Ministru Agrikultura Pekuaria Peska no Floresta Marcos “MAMETA” da Cruz hateten, IX Governu Konstituisionál iha hanoin katak, atu hasa’e produsaun agrikola tenki moderniza setór agrikultura, atu bele haten atusufisente ba ai-han no seguransa alimentar, Ministériu halo identifikasaun ba irrigasaun sira atu bele halo konstrusaun hodi bele fornese be ba agrikultór sira hodi bele halo natar ho to’os.

Atu moderniza sistema agrikultura mak ita providensia makina agrikola ne’ebe mak modern hanesan tratór bo’ot, tratór kiik ba ita nia agrikultor sira hodi utiliza fila koa ka fila rai, no mos makina ne’ebe mak kuda no koa hare atu nune’e bele hasae produsaun agrikola iha ita nia rai, tanba ita hotu hatene katak servisu iha seitor agrikultura ne’e todan tanba uluk sei utiliza ekipamentu tradisonal hanesan enzada, ai-suak, katana, ho ida ne’e mak ita buka meios hodi bele moderniza no ajuda agrikultór sira mak ita fo makina agrikola ba agrikutor sira hodi bele utiliza atu halo natar no to’os hodi bele aumenta produsaun agrikola. dehan Ministru MAPPF.

“Ita mos fo ekipamentu atraladu ba agrikultor sira hodi fasilita sira hodi bele lalin ka foti sai hare ne’ebe mak agrikultro sira produz iha natar laran, tanba dala barak ita nia agrikultor sira kolleta hare maibe atu lori ba uma presiza tempo naruk, ho ida ne’e makina MAPPF fasilita makina moderno atu bele hakman agrikultor sira nia servisu iha tereinu”. Tenik Ministru.

Iha fatin hanesan Prezidente Autoridade Municipal Baucau Veneranda Eurico Lemos Martins, hato’o agradeze ba IX konstituicional liu MAPPF ne’ebe mak fo atensaun bo’ot tebes ba Munisipiu hot-hotu liu-liu Munisipiu Baucau ne’ebe mak iha tinan kotuk mos simu ekipamnetu moderno no agora mos simu tan, maibe ita laos agredese tanba simu ekipamentu, maibe ita nia agredesimentu mak tenki transforma no hasae produsaun agrikola.

Ekipamentu ne’ebe mak governu fo ba ita tenki uja ho diak no responzabilidade atu nune’e bele hasae produsan agrikola ida ne’e mak ita agradese, husu mos ba administrdor postu, xefe suku no xefe aldeia no Diretor Servisu Agrikultura sira atu foti dadus ne’ebe mak los no halo identifikasaun ba area pontesia sira atu nune’e ita bele halo proposta ba governo hodi bele fo apoiu ba agrikultor sira atu nune’e bele hakman sira nia servisu iha tereinu Ekipa DMEA.