Baucau 19/01/26 Ministru Agrikultura Pekuaria Peska no Floresta akonpaña husi Prezidente Autoridade Municipal Baucau oficialmente inagura irrigasaun Uai-dasu Fatumaka ne’ebé sei fornese bee ba natar ektare 50.

Iha diskursu Ministru Agrikultura Pekuaria Peska no Floresta Marcos “MAMETA” da Cruz esplika, atu hasae produsaun agrikola mak ita presiza infrastrutura baziku importantetebes maki ta halo konstrusaun irrigasaun sira atu nune’e bele fornese bee ba agrikultor sira nia natar no to’os, ita mos tenki moderniza seitor agrikultura hanesan fo apoiu ekipamentu moderno sira hanesan tratór fila rai, makina kuda hare, makina koa hare no mos ulizasaun audubus organiku atu nune’e ita bele iha ai-han ne’ebe mak sufisente.

Ministerio Agrikultura mos orinta ona ekipa teniku sira atu identifika mota kiik sira ne’ebe mak bele fornese bee ba natar kikoan, ida mak agora ita mai hamutuk ho komunidade agrikultor ohin halo ona ingurasaun hanesan irrigasaun Uai-dasu n’ebe mak sei kobre to’o area fatumaka, Irrigasaun ne’ebe mak ohin ita halo inagurasaun ne’e kiik maibe nia importansia ne’e bo’ot tanba dezenvolvimentu iha seitor agrikultura ne’e ita laos hare deit ba konstrusaun irrigasaun bo’ot sira, maibe ita irrigasaun kiik ne’e mos bele fornese bee ba agrikultor sira hodi bele halai natar tinan ida dala rua. Dehan Ministru MAPPF

Iha fatin hanesan Prezidente Autoridade Municipal Baucau Veneranda Eurico Lemos Martins hateten, governo iha obrigasaun tau atensaun ba povu nia moris, maibe governo halo ona ita sira ne’ebe mak sai benefisiariu ba irrigasaun ne’e tenki kuidadau no responzabilidade atu bele hasae produsaun agrikola iha seitor agrikultura.

Prezidente Autoridade ne’e agradese no apresia tebes ba MAPPF nia servisu durante ho responzabilidade ne’ebe mak bo’ot tebes hodi fo biban no bele hakbiit komunidade agrikultor sira liu-liu iha to’os ho natar, no husu nafatin ba autoridade lokal, komunidade agrikultor sira atu kuidadu nafatin irrigasaun ne’ebe mak governo konstrui ona atu nune’e bele hasae produsaun ai-han iha rai laran.

Nune’e mos Xefe Suku Uma Ana-Iku Antoninho da Costa Freitas agedese tebes ba konapaiña Gato Unip.LDA ne’ebe mak konstrui ona irrigasaun ba komunidade uma kain atus rua lima, ne’ebe mak sai benefisiariu ba irrigasaun Uai-dasu ne’ebe mak sei fornese ba natar ektare 50. Ekipa DMEA