𝗗Í𝗟𝗜, 𝗠𝗝 — 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮 𝟭𝟵 𝗝𝗮𝗻𝗲𝗶𝗿𝘂 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, simu vizita kortezia hosi Embaixadór Extraordináriu no Plenipotensiáriu Repúblika Demokrátika Timor-Leste (RDTL) ba iha Estádus Unidos da América (EUA), Dr. José Luis Guterres, iha sala Ministériu Justisa Kolmera, Díli.

Ministru Justisa, Dr. Sérgio Hornai, fó apresiasaun no agradesimentu ba vizita ne’e, hodi fortalese koordinasaun entre representasaun diplomátika Timor-Leste iha estranjeiru ho instituisaun estadu iha rai-laran sei kontinua sai prioridade atu asegura interese nasional no dezenvolvimentu sustentavel ba setor justisa.

Embaixadór Extraordináriu no Plenipotensiáriu RDTL ba iha EUA ne'e reafirma, kompromisu atu kontinua hametin no promove relasaun bilaterál ne’ebé di’ak no parsería estratéjika ho Governu Estados Unidos da América, inklui fornese apoiu ba programa no inisiativa sira ne’ebé bele fó kontribuisaun signifikativu ba dezenvolvimentu setor justisa no fortalesimentu governansaun di’ak iha Timor-Leste.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #

Fontes: https://www.facebook.com/share/p/17k8J5G6gJ/