Aileu-22 Janeiru 2026, Timor-Leste presija iha Auto sufisiente ba ai-han hahù husi nivel aldeia to Nasionàl tanba ne'e Ministèriu Agrikultura Pekúaria Peska no Floresta komesa moderniza ona setòr Agrikultura hodi entrega ekipamentu agrikola hanesan makina kuda hare, koa hare no tratór boot Marka Kubota ba Presidenti Autoridade Municipa Aileu. Atividade ne realiza iha Salaun Timor klaran Aileu.

Ministru MAPPF,Marcos "MAMETA" Da Cruz esplika Ministèriu presija servisu hamutuk estrutura Munisìpiu to nivel aldeia nune'e bele moderniza setór agrikultura ho ekipamentu agrikola modernu ne'ebè fahe ba munisìpiu Aileu atu bele hasa"e produsaun nune'e Timor-Leste iha Auto Sufisiente ai-han ba komunidade sira, iha autosufisiente Ai-han nune'e bele reduz inportasaun.

Ministru hatutan, Agrikultór hanesan autor ba dezenvolvimentu setòr agrikultura,pekúaria peska no floresta tanba ne atu servisu diak atu nunee bele hetan apoiu husi governu ne'eduni atu bele jere no kuidadu makina sira ne ho diak no responsabilidade atu nune'e ba oin bele hadia ekonomia," durante ne'e Ministèriu kapasitasaun ba agrikultór sira intermus tekniku oinsa atu hasa"e produsaun tanba Ministèriu mòs apoiu fini hare,batar tanba setór agrikultura ne'e garantia ekonomia ba komunidade sira", realsa Ministru.

Iha fatin hanesan Presidenti Autoridade Municipal Aileu, João Bosco dos Santos hatete, Oinsa atu moderniza setór agrikultura tradisionàl ba modernu iha Munisìpiu Aileu mak Ministèriu Agrikultura entrega ekipamentu agrikola modernu hirak ne'e atu bele utilliza hodi hasa'e produsaun" ita orgullu tanba governu entrega ekipamentu mai Munisípiu nune'e atu bele hasa'e produsaun tanba tinan horak ba kotuk ne'e natar totàl 109 ektare mak sei abandona maibè ho ekipamentu ne'e totàl natar 477 ektare mak ativa ona katak komunidade halo natar ona ho ekipamentu ohin ne'e bele aumenta area kultivu iha tinan 2026".

PAM mós rekomenda ba Ministèriu presija hasa'e kapasitasaun liu husi formasaun atu bele mellora no hasa'e kuiñesimentu Extensionista sira nian iha area agrikultura, pekúaria no Peska.

Totàl ekipamentu agrikola hanesan tratór boot unidade 1, makina kuda hare unidade 6, makina koa hare 4 no atralado ida. Ekipa DMEA