𝐃Í𝐋𝐈, 𝟐𝟔 𝐉𝐀𝐍𝐄𝐈𝐑𝐔 𝟐𝟎𝟐𝟔 – Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, segunda ne’e lidera enkotru ho Dirijente sira Ministério da Agricultura, Pecuária, Pescas e Florestas (MAPPF) nian liuliu Servisu Koorporativus ho Diresaun Jerál Peskas, Akuakultura no Rekursus Mariñu nian kona-ba Dekretu Ezekusaun Orsamentu Jerál Estadu (OGE) 2026 no Kodigu Aprovizionamentu no Kontratu Públiku. Soru-mutuk ne’ebé realiza iha salaun MAPPF, Comoro ne’e, Lideransa Peskas ne’e husu Dirijente sira atu servisu makas, servisu ho responsabilidade hodi bele rezulta rezultadu ne’ebé ho kualidade.

“Ha’u hanoin enkontru ne’e importante atu fó hanoin ba malu, hodi ita-nia ezekusaun bele la’o ho di’ak”. Maibé atu dehan, avaliasaun ne’e povu mak fó, tanba ne’e Dirijente sira presiza iha liña koordenasaun ne’ebé di’ak hodi nune’e ezekusaun bele la’o ho di’ak. “Ita rekoñese imi-nia servisu di’ak, mais la’ós ita mak avalia malu, sira mak observa ita-nia kinerja dezempeñamentu servisu, tanba ne’e ita ezije malu atu servisu ho di’ak, kuidadu no kualidade”. Ikus nia deklara katak, orsamentu ba MAPPF tinan ne’e tun, ne’e duni tenke halo exersisiu mais ekstra hodi bele hatudu rezultadu signifikativu iha produsaun sira. Enkontru ne’e hetan partisipasaun másimu hosi Diretór Jerál, Diretór Nasionál no Xefe Departamentu sira.