Objetivu husi enkontru ne’e atu partilla progresu servisu SEDL nian (DGDL no diresaun Nasional 3) ne'ebe

halo ona iha tinan 2025 no halo kordenasaun ho diresaun jeral sira iha MAE ba atividades sira iha tinan 2026 nian.

Durante Enkontru Avaliasaun Kada Diresaun sira iha SEDL aprezenta ida-idak nia relatoriu ba progresu sira ka susesu ne’ebe atinji ona, servisu balun ne'ebe sei iha prosesu laran no balun ne'ebe mak seidauk atinji, inklui mos ho problema no difikuldade ne'ebe mak durante ne’e kada diresaun enfrenta. Diresaun sira mos partilla rekomendasaun importante sira ne’ebe diresaun seluk iha MAE no diresaun independenti ne’ebe tutela ba MAE precisa konsidera iha sira nia planu.

Iha mos segmentu Diskusaun iha kada aprezentasaun, atu nune’e bele hetan mos ideias no sujestaun husi diresaun jeral sira seluk.

Diresaun sira ne’ebe mak halo aprezentasaun mak hanesan Diresaun Jerál Desenvolvimentu Lokál (DGDL), Diresaun Nasional Apoiu Dezenvolvimentu Komunitariu (DNADC), Diresaun Nasional Apoiu Dezenvolvimentu Munisipal (DNADM), no Diresaun Nasional Promosaun Efisiensia da Administrasaun Lokal (DNPEAL).

Iha biban ne’e mos SEDL entrega Livru "Relatóriu Rezultadu Estadu Indentifikasaun Auto-Avaliasaun no Metodologia Melloramentu Efisiénsia Prestasaun Bens no Servisu iha Autoridade Munisipál: Baucau, Bobonaro, Covalima, Dili, Lautém, Viqueque" ba diresaun jeral sira ne’ebe prezente.

Media SEDL

Fontes: https://www.facebook.com/share/p/17EHPXvRTd/