𝐐𝐮𝐞𝐥𝐢𝐜𝐚𝐢: 𝟐𝟎 𝐉𝐚𝐧𝐞𝐢𝐫𝐮 𝟐𝟎𝟐𝟔: Sekretáriu Estadu Dezenvolvimentu Lokál (SEDL), Mateus W. dos Santos Tallo, akompaña husi Prezidente Autoridade Munisipiu Baucau, Veneranda Lemos Martins, hamutuk ho autoridade lokal no komunidade Macalaco, halo inaugurasaun ba Projetu Programa Nasional Dezenvolvimentu Suku (PNDS), tinan fiskál 2024/2025, Rehabilitasaun estrada betaun 2KM, nomos Rehabilitasaun Eskola 03 siklu ho sala tolu, iha Suku Macalaco Postu-Administrativu Quelicai, Munisípiu Baucau.

Liu husi diskursu Sekretáriu Estadu hateten:

Hau kontente tebes, tamba ohin loron konsege Inagura Projetu PNDS, 2024-2025 ida ne'e hafoin ita halo tiha Lansamentu Fatuk dahuluk iha fulan 6 liu ba (7 Jullu 2025) no hau rasik duni mak mai hamutuk ho ita bo'ot sira iha momentu neba.

Tuir Governante ne'e katak loke Estrada sei benefisia komunidade sira liu husi setor oi-oin hanesan hasae ekonomia, asesu bee moos no eletrisidade no sira seluk tan.

Ohin ita entrega mos konstrusaun eskola foun ba Komunidade Macalaco, ita hatene katak investimentu iha edukasaun nee importante tebes, tamba ita laos deit investe ba ita nia oan sira nia futuru, maibé mos ba ita nia nasaun nia futuru mos.

Tan ne’e, PNDS ninia programa importante ida mak atu atualiza infrastrutura eskola sira iha area rurais.

Ikus liu, SEDL husu ba Autoridade lokais no komunidade sira atu kuidadu obra ida ne’e hodi bele dura ba tinan naruk.

Iha sorin seluk Xefe Suku Macalaco, sente kontenti no orgullu, tanba Projetu ida ne'e mak hanesan resposta ba nesesidade

importante komunidade nian, liu-liu iha asesu ba edukasaun no apoiu fasilita

konektividade hodi kontribui ba potensialidade kreximentu ekonómiku komunidade nian, fasilita asesu ba saúde, koneksaun komunidade ba merkadu no atividade negósiu nian moris lor-loron.

Projetu rehabilitasaun estrada betaun 2KM ho Montante orsamentu $34.270,00, no Rehabilitsaun Eskola 03 siklu ho sala de aula 3 ho montante orsamentu $22.000,00, projetu refere finansia husi PNDS.

Partisipa iha serimonia ida ne’e; Prezidente Autoridade Munisipiu Baucau, Diretór Nasional Dezenvolvimentu Komunitariu, Diretór Nasional ba Promosaun Administrasaun Lokál, Xefe Gabinete PAM Baucau, Komadante PNTL Munisipiu Baucau, II Komadante F-FDTL Komponente Terrestre, Diretór Delegasaun Teritorial, Diretor Munisipál, Administrador Postu Administrativu, Autoridade Suku, Veteranu/a, Membru ES-PNDS Suku, Komunidade no estudante sira.

Media SEDL

Fontes: https://www.facebook.com/share/p/17nvmydprj/