Dili, loron 28, fulan- Janeiru 2026, Sekretáriu Estadu ba Formasaun Profissionál no Empregu Sua Exelénsia Rogério Araújo Mendonça L.Ed, partisipa iha sorumutu bilaterál entre Governu Timor-Leste ho Governu Australia.

Iha sorumutu Governu Timor-Leste ne'ebé lideradu husi Primeiru-Ministru Sua Exelénsia Kay Rala Xanana Gusmão no Primeiru-Ministru Austrália Sua Exelénsia Anthony Albanese, no reuniaun ida ne’e fó énfase ba kooperasaun estratéjiku iha área mobilidade laboral, edukasaun no formasaun téknika. Durante Sorumutu Governu Timor-Leste ho Australia diskuti pontus importante 25, inklui Mobilidade Laboral Timor-Leste nian ba Nasaun Austrália.

Aleinde ne'e, iha pontus 14 Governu rua deskuti kona-ba parseria ne'ebé metin hodi garante katak Austrália nia programa mobilidade laborál sira fó benefísiu ba malu no fó rezultadu ekonómiku no sosiál pozitivu ba traballadór sira, sira-nia família no negósiu sira iha nasaun rua ne'e.

Sei servisu hamutuk mós hodi hasa'e edukasaun no formasaun téknika no vokasionál (TVET) ba juventude Timor-oan sira, liuhosi parseria ida-ne'e, Timor-Leste no Austrália sei servisu hamutuk hodi permite traballadór Timoroan hamutuk 10.000 atu hetan oportunidade empregu iha Austrália to'o tinan 2027-2028, inklui liuhosi eskema Pacific Australia Labor Mobility (PALM).

Iha pontus 23, Parte rua Rekoñese katak joven sira mak nasaun-nia futuru. Nasaun rua sei servisu besik no investe iha kriasaun edukasaun foun, formasaun, empregu no oportunidade dezenvolvimentu lideransa ba juventude Timoroan sira, inklui ba traballadór eskema PALM ne'ebé fila hikas mai Timor-Leste. Sei estabelese inisiativa sira ba líder emerjente sira iha nasaun rua ne'e atu envolve no harii ligasaun sira ba moris tomak.

Iha sorumutu ne'e partisipa husi Membru do Governu Timor-Leste no Austrália.