Manatuto-29/01/26 Ministerio Agrikultura Pekuaria Peska no Floresta (MAPPF) liu husi Diresaun Nasional Agrikultura Hortikultura Protesaun das Plantas entrega ekipamentu modernu hanesan tratór ki’ik ho marka Firman unidade 5 ba administrdór Postu Administrativu Soibada Munisípiu Manatuto hodi bele hasa’e produsaun hortikultura.

Iha entrevista Diretór Nasionál Agrikultura Hortikultutra Protesaun das Plantas Lucio Nuno esplika, atividade iha postu administrativu Soibada ne’e Ministériu fo apoiu makina modernu ba agrikultór sira iha Postu Administrativu Soibada ita entrega ekipamentu hanesan tratór ki’ik marka firman hamutuk unidade 5 hodi apoiu ba agrikultór sira ne’ebé mak iha postu refere, ba oin oinsa mak atu jere makina hirak ne’e, extensionista sira no Administradór postu Soibada mak responsabiliza Tanba ne’e mak Ministériu entrega ona trator ki’ik marka Firman unidade 5 ba postu administrativu Soibada ba oin Autoridade postu no extensionista mak sei halo jestaun ho diak no responzabilidade.

“Tratór kiik unidade 5 ne’ebé ita ita fo apoiu ne’e bele hakaman agrikultor sira bele halo operasaun ba area ne’ebé maka hortikultura, rai tetuk mos bele ou rai lolon ne’ebé mak ita nia agrikultor sira halo teras para fasil halo operasaun ba makina ne’e bele hakaman agrikultór sira bele halo servisu ho diak iha terenu”. Tenik Diretór Lucio Nuno

Kombustivel ne’ebé mak atu ense ba makina ne’e sei apoiu husi Diresaun servisu agrikultura municipal sira mak jere maibe atu prioridade ba tratór boot ne’ebé mak fila rai maran no natar ne’e MAPPF Maibe ba tratór unidade 5 ne’e fila fali ba sevisu agrikultura municipal mak sei jere nune’e tratór sira ne’e bele apoiu servisu hodi hakman sira nia aktividade iha toos nomós iha natar. Dehan Diretór Lucio Nuno.