𝐃Í𝐋𝐈, 𝟑𝟎 𝐉𝐀𝐍𝐄𝐈𝐑𝐔 𝟐𝟎𝟐𝟔 – Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, sesta ne’e soru-mutuk ho ekipa SEAGA Group hosi Brunei, iha Salaun G-SEP, Comoro.

Enkontru ne’e realiza ho objetivu atu diskute no harmoniza planu kooperasaun servisu entre Secretario de Estado das Pescas (SEP) ho SEAGA Group, liuliu iha dezenvolvimentu setór peskas no apoiu ba komunidade peskadór sira.

Iha oportunidade ne’e, Sekretáriu Estadu Peskas salienta importánsia atu SEAGA Group fó atensaun liu ba área formasaun no kapasitasaun ba peskadór sira, atu hasa’e sira-nia koñesimentu tékniku no abilidade iha atividade peskas.

Alende ne’e, nia mós rekomenda atu fornese apoiu ekipamentu modernu ba peskadór sira, hodi fasilita servisu iha tasi no hasa’e produtividade, seguransa no sustentabilidade iha setór peskas.

Governu liuhosi Sekretaria Estadu Peskas kontinua komprometidu atu hametin kooperasaun ho parseiru sira, atu promove dezenvolvimentu peskas ne’ebé sustentável no fó benefísiu ba povu, liuliu komunidade peskadór sira iha rai-laran.