Dili, 01 Fevereiru 2026

Ministru Transportes no Komunikasaun, Eng.Miguel Marques Gonçalves Manetelu, atúal Prezidente Konsellu Jerál Kabu Timor-Leste (CTL-EP) akompaña husi Ministru Planeamentu Investimentu no Estratéjiku, Gastão Sousa domingu ohin lansa Trial out liña internet Kabu Sub-mariñu Fibra Otika bá operadór telekomunikasaun tolu hanesan; Timor-Telekom, Telkomcel no Telemor. Lansamentu ne’e hala’o iha CTL Bebonuk Dili.

Iha nia entrevista Ministru Manetelu husu bá operadór tolu hanesan Timor Telekom, Telkomsel no Telemor atu fórnese internet masimu bá públiku, hodi nune’e públiku bele sente internet ho velosidade lais.

"Durante periodu trail out banda larga ne’ebé CTL-EP fó bá operadór sira ne’e gratuita, tanba ita halo teste, ita husu sira fó sai masimu bá públiku hodi nune’e públiku bele sente katak ida fibra optika ne’e nia velosidade lais duni. Ita kuandu ko’alia kustu baratu kuandu ita bá merkadu konserteza CTL sei faan bá merkadu sei menus liu husi stralink nia” Ministru husu.

Governante ne’e mós subiña iha trail out ne’e CTL EP sosa iha Vocus ho gigabit 10, ita la hola barak, bainhira tama bá iha merkadu depende bá nesesidade merkadu, Timor Telekom, Telkomsel no Telemor hakarak hola hira no ISP sira hakarak hola hira, husi ne’ebá maka CTL sosa bá iha Vocus Australia tuir nesesidade.

𝐌𝐞́𝐝𝐢𝐚 𝐌𝐓𝐊