Dili, 02 Fevereiru 2026

Ministériu Transportes no Komunikasaun Segunda ohin realiza serimónia isár bandeira nasionál iha resintu edifísiu MTK Kaikoli Dili. Isár bandeira semana da-huluk fulan ne’e responsabiliza husi APORTIL.IP.

Ministru Transportes no Komunikasaun, Eng.Miguel Marques Gonçalves Manetelu mak sai hanesan Inspetór bá serimónia bandeira nasionál Segunda ohin.

Ministru Manetelu iha nia diskursu enkoraja dirijente sira iha administrasaun direta no indireta atu kontinua halo koordenasaun servisu ho di’ak bá interese servisu estadu nia.

“Realidade hatudu relatóriu tribunál das kontas hatudu ejekusaun MTK nia hatudu rezultadu ne’ebé diak tanba prosesu ejekusaun sira tuir lei ho ida ne’e mak ita orgullu tanba imi hotu nia esforsu, konta jerál estadu 2025 ita sei bá hatan iha 2027, ita espera labele iha tinta mean fali. Tanba ne’e mak ha’u hakarak enkoraja diretór jerais sira, inspetór jerál, inspetór sira hotu, prezidente no diretór ezekutivu husi administrasaun indireta estadu nia servisu ho di’ak, mantein koordenasaun ho di’ak ita lahalo buat barak maibé oituan-oituan ita kontribui implementa programa governu da-sia nia hodi atinji metas sira ne’ebé hatur ona iha PED 2011-30” dehan Ministru Manetelu iha nia diskursu iha serimónia isár bandeira nasionál iha resintu edifísiu kaikoli Dili.

Isár bandeira ne’e partisipa husi Prezidente, APORTIL, Prezidente ANATL, DJTC, DGAF, DE TIC TIMOR, Diretór nasionál, kargu Xefia sira iha Ministériu no funsionáriu sira.

𝐌𝐞́𝐝𝐢𝐚 𝐌𝐓𝐊