Primeiru-Ministru, Sua Exelénsia Kay Rala Xanana Gusmão, hamutuk ho Prezidente KOICA, Sua Exelénsia Chang Won Sam, inagura Korea-Timor Leste Friendship Sport Center iha Becora. Serimónia ne'e mós hetan akompañamentu diretu hosi Ministru MJDAK, Sua Exelénsia Nelyo Isaac Sarmento.

Serimónia ne'e la'ós de'it kona-ba inagurasaun kampu, maibé mós kona-ba hametin relasaun diplomátika no vizaun ba futuru juventude nian.

Pontu Importante sira:

• Akademia Futeból:

Fasilidade ne'e sei sai sentru formasaun ba labarik sira hodi kuda disiplina no talentu desportivu hosi baze.

• Formasaun Karakter:

PM Xanana subliña katak desportu mak dalan hodi forma karakter foin-sa’e sira no harii dame iha sosiedade.

• Gratidaun hosi KOICA:

Prezidente Chang Won Sam hato’o agradesimentu ba PM Xanana no afirma katak Korea prontu atu kontinua fahe esperiénsia nu’udar parseiru di’ak ba dezenvolvimentu Timor-Leste.

• Responsabilidade Hamutuk:

PM Xanana mós apela ba autoridade lokál no komunidade Becora atu tau matan no kuidadu fasilidade foun ne'e ho responsabilidade.

Hamutuk ho MJDAK, ita dudu desportu Timor-Leste nian sa'e ba leten as liu!

#MJDAK #DesportuTL #KOICA #KoreaTimorFriendship #SportCenterBecora #XananaGusmao #MídiaMJDAK