𝐃𝐢𝐥𝐢, 𝟎𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Vise-Ministru Komersiu no Industria Sr. Augusto Júnior Trindade, hasoru malu ho Kenneth Choo, fundadór hosi Kenneth & Co ho sede iha Singapura, hamutuk ho Joanico Jerónimo no Manuel Vong husi Incanto Group, iha Gabinete Vise Ministru, Fomentu Mandanrin Dili, tersa ohin.

Iha sorumutu ne’e diskute konaba parseria estratéjiku ida ne'ebé ho objetivu atu dezenvolve kapitál umanu iha Timor-Leste, li-liu iha area industria, agrikultura, manufaktura no area seluk tan.

Programa interesante seluk ne’ebe hakarak estabelese iha rai laran mak kapasitasaun ne’ebé rigorozu, inklui estájiu espesializadu no padraun kolokasaun Inglés, hodi garante juventude timoroan sira bele kompete ho efetivu iha merkadu internasionál. Reunian ne'e partisipa mós husi Xefe Gabinete, Asesores no tékniku sira Ministériu nian.