𝐃í𝐥𝐢, 𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔 – Ministru Komérsiu no Indústria Sr.Nino Pereira akompaña aprezentasaun husi PT. Metaforma Consultant JV Arclen Consultan Unipessoal Lda, kona-ba Draft Final Report ba Projetu Estudu Viabilidade Konstrusaun Sentru Komersial iha Manleuana, Dili.

Apresentasaun ne’e fó klaridade kona-ba potencial dezenvolvimentu ekonomia lokal, oportunidade investimentu, no impaktu ba komunidade.

Iha dadus ne’ebé Konsultoria hatudu, sentru komersial foun ne’e sei fó espasu ba emprendedór lokal atu promove produtu nasionál. Estudu ne’e subliña importánsia infraestrutura modernu atu sustenta dinamika merkadu, no bele kria oportunidade servisu ba juventude sira.

Iha intervensaun Ministru MCI hateten katak, ida ne’e sai hanesan oportunidade importante hodi hahú halo diskusaun ba prosesu konstrusaun merkadu modernu ne’ebé koñesidu hanesan Merkadu Manleuana, tanba planu ne’e sai mos prioridade importante iha IX Governu Konstitusionál, ne’ebe ho objetivu atu responde ba nesesidade komunidade nian no hametin merkadu nu’udar sentru ekonómia no atividade komérsiu.

Apresentasaun ne’e konsidera hanesan etapa preparatóriu importante atu orienta politika públika no atrai investimentu ba kontrusaun sentru komersial foun iha Maneleuana. Partisipa iha sorumutu ne’e ADN,SGP, Obras publika, tékniku nomos asesor sira.