Press-Release
.jpeg)
Asuntu : Cerimonia tomada de posse cargo coordenadores e chefias, ADN e FDCH.D Ministru Planeamentu Investimentu Estratejiku (MPIE) S.E. Eng. Gastão Fransisco de Sousa fo posse ba kargu coordenador no Xefia sira Cerimonia tomada de posse cargo coordenadores e chefias, ADN e FDCH.D Ajénsia Dezenvolvimentu Nasionál ne'ebé maka kompostu husi Koordenadór nain haat (4), Xefi Departamentu nain sia (9) no mós Asistente Ezekutivu nain ida (1). Serimonia tomada posse ne'e rasik realiza iha Resintu edifisiu MPIE, Bedik Hun, Fatuhada Dili. Ministru MPIE iha nia diskursu durante serimonia tomada posse hateten katak, tenki kontenti wainhira o nia maluk id aba oin no kontenti liu tan kuandu nia diak liu o no moris ne'e simples nune'e. Ministru ne'e husu atu halakon ego no haraik an hodi ko'alia ba malu. "halakon o nia ego no hakraik an, ko'alia bam alu, tanba ema barak nia interese, o sei la lakon dignidade mós sei la lakon buat ida." Hateten Ministru MPIE Iha nia intervensaun ne'e Ministru MPIE mós husu ba iha emposadu sira atu kontinua servisu ho reponsabilidade, dignidade no kontinua hodi obedese ba iha lei no regulamentu ne'ebé maka vigor, no tengki tau interese nasaun nian ás liu no la-bele haree ba interese pesoal. Kargu Xefia sira Sekretariadu Tekniku Fundo de Desenvolvimento do Capital Humano (S-FDCH) ne'ebé kompostu husi Xefe Gabinete Diretór Ezekutivu, Koordenadores na'in tolu (3) no Xefe Unidade na'in sanulu (10) simu posse husi Sua Exelensia, Ministru Planeamentu no Investimentu Estratéjiku, Eng. Gastão Francisco de Sousa, iha areadores MPIE, Bedik Hun Fatuhada. Ministru parabéniza emposadu sira no husu atu servisu ho reponsabilidade no dignidade, obedese ba lei no regulamentu ne'ebé vigor, tau interese nasaun nian iha leten no labele haree ba interese pesoal, interese organizasaun saida de'it mak sira inklina-aan ba nune'e bele halo servisu ho di'ak no loloos hodi bele kontribui ba dezenvolvimentu nasaun no lori moris di'ak ba povu. "Fiar ne'ebé fó ba ita-boot sira hala'o ho responsabilidade no dignidade, tanba fiar ne'e fó dala ida de'it, sei la fó dala rua, tanba ne'e ohin iha juramentu ne'ebé ohin ita-boot sira ko'alia buat barak, ita boot sira tama iha ne'e iha leis, iha programa governu ne'ebé ita boot sira tenke hala'o, labele haree ba interese pesoál, labele haree ba organizasaun ne'ebé ita-boot sira inklina ba, maibé tau interese nasaun nian iha leten," hateten Ministru MPIE iha nia diskursu ba serimónia tomada de posse ba kargu koordenadores no xefe unidade sira. Diretór Ezekutivu FDCH, Júlio Aparício hato'o agradeimentu ba Sua Exélensia Ministru Planeamentu no Investimentu Estratéjiku, Eng. Gastão Francisco de Sousa ne'ebé nomeia no fó posse ba kargu koordenadores no xefe unidade sira no hahú ho sita liafuan tolu hodi enkoraza no motiva emposadu sira hanesan, poder, tulun no esperansa.
Data Publica : 14 Feb 2025
Descrisaun :
.jpg)
.jpg)