𝐷𝑖́𝑙𝑖, 02 𝐹𝑎𝑣𝑒𝑟𝑒𝑖𝑟𝑢 2026

Ministériu Petróleu no Rekursus Minerais no Tribunal das Contas fasilita formasaun téknika auditoria ba auditór husi Gabinete Fiskalizasaun Auditória – GFA/MPRM nian, husi loron 2 to’o 6 fulan Fevereiru, hodi garante dezempeñu servisu no promove boa governasaun.

Auditor husi Tribunal das Contas destaka importánsia husi formasaun ne’e, hodi fahe informasaun kona-ba prosedimentu no téknika auditoria, atu bele ajuda prevensaun ba risku sira, ho finalidade katak, garante administrasaun estadu ida ne’ebé mak efisiente no efikaz.

Sua Eselénsia Ministru Petróleu no Rekursus Minerais, Francisco da Costa Monteiro rekorda adopsaun Sistema administrasaun husi estranjeiru dezde periódu kolónia to’o okupasaun Indonézia. Dezde tinan 2022, Timor-Leste estabelese mekanizmu rasik ho estabelesimentu órgaun soberania sira ne’ebé dezenvolve gradualmente, hodi serbi’i no dezenvolve estadu, nasaun no povu.

Tuir Sua Eselénsia Ministru Monteiro, ai-rin sira ne’ebé mak estabelese presiza hametin no dezenvolve nafatin, hodi hadi’a fazeadamente fragilidade sira, atu kontribui ba dezenvolvimentu nasionál. Kriasaun Gabinete Inspesaun no Auditoria – GFA, hanesan ferramenta ida auto korresaun iha organizasaun, hodi hadi’a prosedimentu no mekanizmu administrativu sira.

Programa formasaun téknika hanesan programa regular ne’ebé exekutivu sira iha MPRM hetan formasaun téknika auditoria iha Jakarta, Indonézia no Sua Eselénsia Ministru Monteiro fiar katak, sei kontestualiza servisu auditoria ho referénsia nasaun seluk nian, hodi hadi’a dezempeñu servisu iha futuru.