Dili, 03 Fevereiru 2026

Diretór Jerál Administrasaun no Finansas, Aniceto Leto Soro akompaña husi Diretora nasionál rekursu umanus, xefe avaliasaun dezempeñu, promosaun no progresaun, asesór administrasaun finansas no transportes maritima gabineti DGAF no Finansas MTK hala’o enkontru ho Prezidente KSTL Almerio Villa Nova tersa ne'e iha sala enkontru DNMG Kaikoli DIli.

Objetivu husi reuniaun ne'e hodi buka solusaun bá reklamasaun kona-bá prosesu retirasaun funsionáriu publik ne'ebé oras ne'e dadaun servisu hela iha ANATL,E.P.

Retirasaun funsionáriu públiku husi ANATL,E.P mai Ministériu Transportes no Komunikasaun bá da-huluk iha 25 Outubru 2024 totál funsionarius hamutuk nain 24, enkuantu iha tinan 2026 nia laran sei halo taan retirasaun bá da-ruak hó totál funsionarius ema nain 65 (feto = 9,mane 56) razaun retirasaun ne'e bazeia ba lisensa sem vensimentu (LSV) iha limitasaun tempu bazeia bá Lei n.º 5/2009 de 15 de Jullu alterasaun bá dauluk bá Lei n.º 8/2004, de 16 de Juñu (Aprova o Estatuto da Função Pública) artigu 54° versiklu (1) Funsionáriu permanente ho servisu pelumenus tinan tolu bele hetan lisensa lahó saláriu to’o tinan rua, husi diresaun servisu respetivu, renovável bá tinan ida, tuir termu sira ne'ebé sei regula husi Governu.

Funsionáriu públiku hirak ne'e hahú sira nia lisensa sem vensimentu iha fulan Novembru tinan 2017 (Novembru 2026 halo tinan 9) viola ona artigu 54° hó razaun ANATL,E.P.

MTK fó opsaun bá sira fila sai funsionarius publikus ou rezignaan husi funsionarius publikus.

Iha reuniaun ne'e konfederasaun sindikatu Timor-Leste (KSTL) lori funsionáriu públiku sira nian aspirasaun hodi buka dalan molok foti disizaun.

Bazeia bá karta DGAF (bá ANATL,E.P. data 30 Jullu 2025, officio No. 211/MTC-DGAF/VII/2025 hó assuntu Pedido de retireda dos funcionários permanentes MTK, lisensa laiha saláriu, ne’ebé servisu iha ANATL, E.P.) wainhira termina lisensa sem vensimentu (LSV) mak fila (1 Novembru 2026).

Konfederasaun sindikatu Timor-Leste (KSTL) sei halo koordenasaun no diskusaun hó

parte ANATL,E.P. kona-bá assuntu refere bazeia bá Lei traballador numeru 4/2012.

𝐌𝐞́𝐝𝐢𝐚 𝐌𝐓𝐊