Dili- Ministro Agrikultura Pecuaria Pesca no Floresta (MAPPF) Marcos “Mameta” da Cruz hasoru malu ho Diretór Jeral Food Agriculture Organization (FAO) Alue Dohong hodi diskuti iha area Agrikultura Pekuaria Peska nomós Floresta, sorumutu ne’e reliza iha loron (05/02/26) iha salaun Uma Adat Comoro

Iha entrevista Ministru esplika, Ekipa delegasaun husi FAO ne’e mai atu asina akordu ho Governu liu hosi Ministério Negosiu Estranjeiru atu estabelese FAO ninia reprezentante permanente iha Timor Leste. Tanba durante ne’e FAO iha iha de’it reprezentante ida mak kobre Nasaun Indonésia ho Timor Leste.

Nune’e sira FAO sira nia prezensa iha MAPPF atu koalia liu konaba ba agrikultura, tanba FAO servisu barak liu ho setór Agrikultura Pecuaria Pesca no Floresta. Iha enkontru ne’e mós diskuti asuntu lobuk ida, liu-liu konaba oinsa mak reforsa koperasaun hamutuk entre FAO ho MAPPF.

“Iha diskusaun ne’e hau aprezenta ba Diretór Jeral FAO katak, ita iha Estadu ne’ebé foin dezenvolve a’an, tanba ne’e ita presiza aumenta ita nia produsaun, ne’e duni ita presiza mós apoiu husi FAO liu-liu ba asistensia tekniku, oinsa mak bele halo formasaun halo mós asisternsia tekniku liu-liu ba formasaun, hodi aumenta ita nia konñesementu agrikultór sira iha parte Pecuaria Pesca no mós Floresta.” Katak Ministro

Nia akresenta, Husi parte FAO mós hateten katak, sira pronto apoiu Timor Leste iha setór ha’at ne’e. Durante ne’e MAPPF mós servisu hamutuk ona ho FAO no sira apoiu tebes MAPPF, tanba ne’e Ministru mós hato’o nia gratidaun ba FAO, ba sira nia apoiu tomak. Maibe problemane’e ita hasoru mak sasan importasaun sei barak, tanba ne’e mak ita presiza tebes atu aumenta produsaun.

Ministério presiza tebes FAO nia apoiu liu husi finanseiru no mós tekniku, tanba ne’e husi parte FAO mós konkorda katak, ba oin presiza halo diskusaun barak liu tan hodi hare ba disponibilidade sira atu bele servisu hamutuk hodi bele aumenta produsaun iha area Agrikultura Pecuária Pesca no Floresta. (ekipa DMEA)