𝐃𝐮𝐛𝐚𝐢, 𝟎𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

===================

Vise-Primeiru-Ministru, Ministru Koordenadór ba Asuntu Ekonómiku (MKAE), no Ministru Turizmu no Ambiente (MTA), Dato’ Seri Francisco Kalbuadi Lay, hamutuk ho 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐂𝐨𝐦𝐦𝐨𝐧𝐰𝐞𝐚𝐥𝐭𝐡 𝐨𝐟 𝐃𝐨𝐦𝐢𝐧𝐢𝐜𝐚, 𝐑𝐨𝐨𝐬𝐞𝐯𝐞𝐥𝐭 𝐒𝐤𝐞𝐫𝐫𝐢𝐭 no 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐑𝐞𝐢𝐧𝐮 𝐄𝐬𝐰𝐚𝐭𝐢𝐧𝐢, 𝐑𝐮𝐬𝐬𝐞𝐥𝐥 𝐌𝐦𝐢𝐬𝐨 𝐃𝐥𝐚𝐦𝐢𝐧𝐢, sai painelista iha Fórum Globál Mundiál Turizmu, ne’ebé hala’o iha Dubai, Emirados Árabes Unidos, Tersa, 03 Fevereiru 2026, ho objetivu atu hametin kooperasaun internasionál no promove dezenvolvimentu turizmu Timor-Leste iha nível mundiál.

Fórum ida-ne’e reuni líder mundiál, ministru turizmu, investidór, no reprezentante setór privadu hosi nasaun barak, atu diskute futuru turizmu globál, inovasaun, investimentu, no turizmu sustentável.

Iha intervensaun, Vise-Primeiru-Ministru, Dato’ Seri Francisco Kalbuadi Lay, hateten katak, Timor-Leste iha poténsia bo’ot iha setór turizmu, liuliu iha área turizmu natureza, kulturál no marítimu, no Governu kompromete atu harii polítika no ambiente ne’ebé favoravel ba investimentu no kooperasaun internasionál.

Partisipasaun Timor-Leste iha fórum globál ida-ne’e reflete kompromisu Governu Timor-Leste atu: Hametin relasaun bilaterál no multilateral; Hamenus no atrai investimentu iha setór turizmu; Promove imajen Timor-Leste hanesan destinasaun turizmu mundiál; Suporta dezenvolvimentu turizmu sustentável no inkluzivu.

Governu Timor-Leste espera katak rezultadu hosi partisipasaun iha Fórum Globál Mundiál Turizmu iha Dubai bele kontribui ba kreximentu ekonomia nasionál no kria oportunidade foun ba povu Timor-Leste.