𝗕𝗮𝘂𝗰𝗮𝘂, 𝟬𝟲 𝗙𝗲𝘃𝗲𝗿𝗲𝗶𝗿𝘂 𝟮𝟬𝟮𝟲

IX Governu Konstitusionál ne’ebé lidera husi Primeiru Ministru (PM), Kay Rala Xanana Gusmão, lansa ofisiálmente projetu rehabilitasaun Estrada Urbana Baucau, serimónia lansamentu no asinatura ne’e hala’o iha, Baucau Vila Antiga,Sesta-feira ne'e.

Iha nia diskursu, Primeiru Ministru Xanana Gusmão hateten, konstrusaun estrada ne’e hanesan kontinuasaun husi planu governu nian ne'ebé aprova ona iha 2010 no 2011,

"Hau husu bá kompañia Vage'el Unipessoal Lda. (Timor-Leste) ho Jova Konstruksion atu servisu ho diak, servisu ho kualidade, tanba osan ne’e povu nian, ne'ebé sosa ho ruin no ran, tanba ne'e tenke gasta ho diak, " hateten PM Xanana.

Iha fatin hanesan Ministru Obras Públika, Samuel Marçal, esplika prosesu bá projetu ida ne’e lao lentu oituan ka laos lalais, antes implementa tenke halo estudu tékniku, halo dezeñu, prosesu hotu tenke la tuir lei no prosedimentu aprovisionamentu.

"Hau hato'o agradese wai'in bá ita bo'ot sira ne'ebé ofesere ona aihoris hodi konstrui estrada. Hau mós husu bá joven sira labele halo impedementu iha tempu badak mós ita sei lansa bee mós,"dehan Ministru Obras Públikas.

Entretantu rehabilitasaun Estrada Urbana Pakote I (Seksaun 00+000-02+880.0 Ospitál Nagardjo- Baucau (Ospitál Rejionál Eduardo Ximenes), Munisípiu Baucau Kontratu: SSS/007/MOP - 2026, durasaun servisu fulan 24, projeitu ne'e sei fiskaliza husi ekipa tékniku Ministériu Obras Públikas ho montante orsamentu $4,735,021.55, konstrui husi kompañia Jova Construction Unipessoal Lda. (Timor-Leste) no rehabilitasaun Estrada Urbana Pakote III (Seksaun 1 - 5),Munisípiu Baucau Kontratu, SSS/008/MOP - 2026, durasaun servisu fulan 24, montante orsamentu $ 3,764,933.21 fiskaliza husi Ministériu Obras Públikas, kontratór Vage'el Unipessoal Lda. (Timor-Leste).

Seremónia asinatura kontratu ne’e envolve Ministru Obras Públika (MOP), Samuel Marçal ho kompañia ne’ebé konstrui projeitu estrada Gleno-Letefoho ho akompaña husi Primeiru Ministru Kay Rala Xanana Gusmão, Ministru Planeamentu Investimentu Estratejiku, Gastão Sousa, Sekretariu Estate Asuntu Toponímia no Organizasun Urbana, Germano Santa Brites Dias, Sekretariu Estado Arte no Kultura, Jorge Soares Cristovão, Sekretariu Estado Komunikasaun Sosial, Exepedito Dias Ximenes, Xefe Komisaun E Parlamentu Nasionál, Marcos Xavier, Reprezentante Bánku Mundiál iha Timor Leste, David Freedman, Prezidente Autoridade Munisípiu Baucau,Veneranda Eurico Marques Lemos Martins, Diretór Gerald MOP, Jerente Orgaun Autonomo tutelada bá MOP, ekipa tékniku MOP inklui lia nain, autoriede lokál, komunidade ho estudante sira.

https://sdi.gov.tl/ministerio/presrealease/1351/edit

*𝗠𝗶́𝗱𝗶𝗮-𝗠𝗢𝗣*