ATAÚRO, 04 Fevereiru 2026: 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬 ho 𝐃𝐢𝐫𝐞𝐣𝐞𝐧𝐭𝐞𝐬 𝐬𝐢𝐫𝐚 hala’o koordenasaun servisu hamutuk 𝐏𝐫𝐞𝐳𝐢𝐝𝐞𝐧𝐭𝐞 𝐀𝐮𝐭𝐨𝐫𝐢𝐝𝐚𝐝𝐞 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐚 𝐀𝐭𝐚ú𝐫𝐨 𝐧𝐨 𝐄𝐬𝐭𝐫𝐮𝐭𝐮𝐫𝐚 𝐬𝐢𝐫𝐚, Kuarta, 04/02/2026.

SEATOU hateten, hili ilha de Ataúro hanesan pioneiru primeiru hodi lansa atividade “Koordenasaun servisu” ida nebe’e sei perkore 13 munisipius durante fulan ne’en (6) nia laran

Nuudar kompromisu governu sentral hodi fo assistensia tekniku ba Munisipiu sira, partikularmente hodi hasa’e no mellora prestasaun servisus públikus iha munisipiu hotu-hotu liu-liu atu servi diak liu ita nia povo sira.

Lori Ministériu Administrasaun Estatál no hanesan Sekretáriu Estadu ba Assuntu Toponímia no Organizasaun Urbana (SEATOU), hato'o apresiasaun boot tebes ba disponibilidade Presidente Autoridade Administrativa de Ataúro hamutuk ho estrutura sira hotu hodi partisipa iha sorumutu koordenasaun lideradu husi SEATOU ho ekipa tekniku sira.

Ami nia prezensa ohin loron ne’e, atu banati tuir orientasaun husi Ministru Administrasaun Estatál, liu husi karta ho numeru referensia 20/M-MAE/I/2026, datadu 14 Janeiro 2026; atu halo koordenasaun servisu ho Autoridade Munisipiu hotu-hotu, inklui Autoridade Administrativa Ataúro, hodi hadi'a prestasaun servisu públiku iha área hanesan tuir mai:

1. Ordenamentu Teritóriál (Toponimia);

2. Ijiene no Ordem Públika

3. Organizasaun Urbana

4. Jestaun ba Zona Estasionamentu Durasaun Limitada (ZEDL)

Durante loron ida ne’e, ekipa tekniku sira liu-liu Diretora-Jeral Toponímia no Organizasaun Urbana (DGTOU), Maria Odete Barros Florindo no Diretores Nasionais sira ne’ebe haree ba servisu ha’at temin iha leten, sei hamutuk ho servisu munisipais relevantes atu follow-up progresu servisu tinan 2025 ka tinan anterior.

Husi koordenasaun servisu hirak ne’e, dentro de fulan neen (6) nia laran, ekipa tekniku sira sei aprezenta hikas relatóriu detalhadu 13 Munisipius no Autoridade Administrativa Atauro ba Ministru MAE kona-ba progresu ne'ebé atinji ona, obstakulu no rekomendasaun hodi melhora servisu hirak ne’e iha futuru.

Ha'u fiar, ho espíritu koordenasaun no kolaborasaun ne'ebé forte entre governu sentrál no Autoridade Administrative Atauro ita bele konkretiza servisu públiku ne'ebé di'ak liu. Mai ita servisu hamutuk hodi hadia ita rai no lori Atauro sai MOSS (Mos, Organizadu, Saudavel no Seguru) liu tan!

Hafoin remata sorumutu, SEATOU hamutuk Ekipa akompaña hosi Prezidente Autoridade Administrativa Ataúro, tuun ba terrenu hodi observa kondisaun Merkadu Iletikaraquia no Merkadu Beloi.

Fontes: https://www.facebook.com/share/p/1CZc74TXnA/