Dili, 09 Fevereiru 2026

Ministru Transportes no Komunikasaun, Eng.Miguel Marques Gonçalves Manetelu, segunda ohin partisipa reuniaun Koordenasaun Téknika, Grupu Traballu Interministeriál bá Ciber Siguransa (GTICS), ne’ebé hala’o iha sala enkontru Prezidénsia Konsellu Ministrus, Palásiu Governu, Díli.

Reuniaun ne’e ho Objetivu prinsipál halo koordenasaun, tuir orientasaun polítika IX Governu Konstitusionál nian, relasiona ho inplementasaun polítika nasionál atu fó briefing tékniku ne’ebé foka bá konsolidasaun Ciber-Seguransa hodi promove polítika nasionál seguransa hodi dezenvolve “Gap Analysis” iha âmbitu cibernétiku.

Reuniaun ne’e prezide husi Ministru Prezidénsia Konsellu Ministrus Agio Pereira, reuniaun ne’e, atu fahe prespetiva husi membru Grupu Traballu Tékniku sira, hodi identifika lakuna sira husi instituisaun sira no define prioridade sira, hodi dezenvolve estratéjia nasionál integrada Ciber-Seguransa tuir planu Governu nian.

Membru Grupu Traballu Interministeriál bá Ciber-Seguransa maka hanesan, Ministériu Transporte no Komunikasaun (MTK), Ministériu Justisa, Servisu Nasionál Intelijensia Estratéjika (SNIE), TIC TIMOR I.P., Autoridade Nasionál Komunikasaun (ANC), Polísia Sienstífika Investigasaun Kriminal (PSIK) no Banku Central Timor-Leste (BCTL).

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊