Manatuto- (7/2/2026), Ministro Agrikultura Pecuaria Pesca no Floresta (MAPPF) Marcos “Mameta” da Cruz akompaña Primeiro Ministro (PM) Kayrala Xanana Gusmão observa diretamente kanal irrigasaun Laclo liu husi mota somasi ne’ebé lokaliza iha Manatuto.

Iha entrevista Ministru MAPPF esplika, kanal irrigasaun Laclo konstrui iha tinan 2002 no hetan apoiu husi governu Japaun, maibe hetan estraga husi inudasaun iha tinan hirak liuba, tanba ne’e presiza hadia fali. liu liu Sipon ka (saluran bawah tanah), mota Somasi nia naruk 300m maibe iha 160m nia laran mak sedimentasaun rai henek, fatuk, tahu, neebé tama nakonu, tanba ne’e mak Ministériu halo tia ona kontratu ho tipu emergensia ba kompaña balu hodi hamós sipon (saluran bawah tanah) nia laran no mos halo protesaun Bronjon ba mota somasi.

Ministro hatutan, Irrigasaun refere atu oferese bee ba iha natar sira iha postu Manatuto, tanba baibain fim de fevereiro ou inisiu fulan Marsu agrikultór sira komesa halo natar,espera katak semana oin bele hotu ona, fo instrusaun ba kompaña atu aumenta tan ema neebé hamos iha sipon (saluran bawah tanah). “ida fali MAPPF haree iha mós mota Laclubar nian, nomos bolu mota boot Laclo ninian nee tanba mobilliza hela escavador 2 ida mai husi Munisípiu Manatuto nian, ida mai husi Ministério Agrikultura nian, normalizasaun no kee kanal tradisonal sira neebé iha, iha nee iha kanal 4 ka 5 ida iha nee, komesa horseik ou horibairuak kedas sira hatama ona bee nee mak ohin sae mai atu haree ih mos iha mota Laclo nia ulun neeba ohin hau hatudu ba PM, bele hetan 2 km husi fatin nee, iha tinan nee ita sei halo irrigasaun boot ida prosesa iha hela CNA, iha fulan ida nee nia laran se lasala fulan 2 ka 3 mai nee it abele halo ona lansamentu ba irrigasaun boot nee. “tenik Ministru

Ministru informa, dadaun ne’e natar barak mak abandona, bee la tama, ne’eduni MAPPF esforssu hodi normaliza kanal tradisional sira nune’e agrikultor sir abele uza. Primieru Ministru fo orden ba MAPPF atu bele konstrui lalais eskema irrigasaun iha tempu badak nune’e bele oferese be ba Munisipiu Manatuto tomak. (Ekipa DMEA)