𝐃í𝐥𝐢, 𝟎𝟗 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔 – Ministru Komérsiu no Indústria, Sr. Nino Pereira, hala’o sorumutu ho Institutu Nasional Siéncia no Téknolojia (INCT) ne’ebe aprezenta kona-ba Diversifikasaun Ekonomia no Ekonomia Informal ba MCI, iha sala Gabinete, Fomentu Mandarin, Díli.

Sorumutu ne’e ekipa INCT halo aprezentasaun kona-ba politika ne’ebé bele tau matan ba setor informal iha Timor-Leste ho objetivu prinsipal atu haree dalan oinsa bele formaliza setor informal ne’e, tanba setor ida ne’e la fo kontribuisaun direta ba reseita estadu.

𝘗𝘦𝘴𝘬𝘪𝘫𝘢𝘥𝘰𝘳 𝘗𝘳𝘪𝘯𝘴𝘪𝘱𝘢𝘭 𝘐𝘕𝘊𝘛, 𝘚𝘳. 𝘙𝘶𝘪 𝘎𝘰𝘮𝘦𝘴 hateten katak, formalizasaun setor informal importante tebes, tamba setor ne’e fó oportunidade ba ema sira ne’ebé moris iha situasaun kiak. Formalizasaun sei ajuda atu hetan direitu legál, asesu ba apoiu finanseiru, formasaun kona-ba negosiu, no akompanamentu hodi fó seguransa ba sustenta moris.

𝘔𝘪𝘯𝘪𝘴𝘵𝘳𝘶 𝘕𝘪𝘯𝘰 𝘗𝘦𝘳𝘦𝘪𝘳𝘢 apresia, ho aprezenstasaun husi INCT reafirma kompromisu governu nian atu kontinua hametin politika relevante hodi fó fasilidade ba formalizasaun setor informal, no hametin kolaborasaun ho instituisaun sientífiku no teknolójiu atu sustenta dezenvolvimentu ekonomia diversifikadu iha Timor-Leste.