𝐃𝐢́𝐥𝐢, 𝟏𝟎 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Vise-Ministru Komérsiu no Indústria, Sr. Augusto Júnior Trindade, prezide serimónia abertura Outreach Programmekona-ba ATIGA Atualizadu no Inisiativa Facilitasaun Komérsiu, ne’ebé hala’o ohin, Tersa-feira, iha Salaun Suai Timor Plaza, Díli.

Partisipasaun husi reprezentante Estadu-Membru ASEAN, Sekretariadu ASEAN no parseiru dezenvolvimentu.

Iha nia diskursu abertura, Vise-Ministru destaka katak atualizasaun Akordu Komérsiu Bens ASEAN (ATIGA) reprezenta marka importante ida ba hametin integrasaun ekonómika rejionál, hodi promove facilitasaun komérsiu, transparénsia no reziliénsia, no mós responde ba prioridade foun hanesan komérsiu la’ós ho papel, konektividade kadia forneseimentu no sustentabilidade.

Vise-Ministru subliña tan katak programa ida ne’e importante liu ba Timor-Leste, hanesan Estadu-Membru foun ASEAN, tanba bele hametin prontidaun institusionál no kapasidade téknika nasaunál.

Governu reafirma nia kompromisu ba implementasaun efetivu ATIGA no tranzisaun gradualmente ba ATIGA Atualizadu, iha koperasaun besik ho Estadu-Membru ASEAN, Sekretariadu ASEAN no parseiru dezenvolvimentu.