Dili, loron 10 fulan Februari – SEFOPE-DNEE hala'o seremónia despedida ba traballador Timoroan 37 ne'ebé sei servisu iha Austrália. Grupu ne'e kompostu husi mane 16 no feto 21 ( Traballador Retornu 36 no Foun 1, ne’ebé sei ba servisu iha kompania hanesan 𝐓𝐨𝐩 𝐭𝐡𝐞 𝐂𝐫𝐨𝐩, 𝐂𝐨𝐧𝐧𝐞𝐜𝐭 𝐆𝐫𝐨𝐮𝐩, 𝐚𝐧𝐝 𝐁𝐞𝐫𝐫𝐲 𝐍𝐨𝐫𝐭𝐡.

Iha seremónia ne'e, partisipa husi Xefe Departamentu Deslokasaun, Sr. Alarico Fernandes , Xefe Departamentu Reintegrasaun Maria Anagela Do Carmo Pires Guteres no reprezentante PLMSP, Sr.Antonio Moreira .

Iha sesaun diskursu , Sr. Alarico Fernandes hato’o mensajen importante ba traballador sira no sira nia família: “Sira tenke servisu ho dedikasaun, ética no profesionalismu, hodi tane naran diak Timor-Leste nian, iha Austrália.” “Imi ba servisu laos hanesan reprezentante indivíduál, maibé reprezentante Estadu Timor-Leste. Tamba ne'e, servisu ho haraik an, hatudu profesionalismu, hodi promove naran diak nasaun nian”.

Sr. Alarico mós akresenta : “Imi sai hanesan aliserese importante ida iha ita-nia rai. Aproveita oportunidade ida ne'e ho diak utiliza rekursu hotu ne’ebé imi sei hetan iha Australia , kria planu investimentu ne'ebé bele benefisia imi-nia an, imi-nia família, no nasaun, tamba investimetu sira ne’e sei ajuda ita boot sira atu garantia nafatin ita boot sira nia estabilidade ekonomia bainhira imi labele fila fali ba Australia” Sr. Alarico Fernandes.

Iha sorin seluk reprezentante familia husi traballdor mos husu ba traballador sira hotu atu servisu kuidadu an, sempre kria komunikasaun ne’ebé diak ho familia sira maske hela dook malu, Atu nune imi bele halo ema ne’ebé imi hadomi hamnasa iha futuru , ikus liu ami nia orasaun ba imi hotu atu isin diak nafatin iha Australia “ Dehan reprezentante familia traballadores. Sra. Esmenia Laura Gomes