Dili Loron, 10 Fullan Fevereiru Tinan 2026

Durante vizita, Primeiru-Ministru hala’o enkontru ho Ministru Gastão Francisco de Sousa akompaña husi Asessor Prinsipál, Julio Tomás Pinto hodi diskute kona-bá servisu ne’ebé MPIE hala’o.

MPIE nu’udár responsável bá konsesaun, koordenasaun no avaliasaun bá polítika ne'ebé Konsellu Ministrus define no aprova ona, bá área promosaun dezenvolvimentu ekonómiku nomos sosiál nasaun nian. Liu-husi planeamentu estratéjiku no integradu no rasionalizasaun rekursu finanseirus ne'ebé disponível, hodi asume responsabilidade espesífika sira kona-bá implementasaun Planu Estratéjiku Dezenvolvimentu, liu-liu kona-bá Infraestruturas no Planeamentu Urbanu, no mós Planeamentu no Ordenamentu Territóriu.

Xefe Governu dezafia MPIE atu hala’o servisu tuir kompeténsia liu-liu halo planeamentu, propoin no koordena ezekusaun infraestruturas ne’ebé estratéjiku.

Kompeténsia seluk husi MPIE nian maka atu superviziona kualidade servisu no atividades bá ezekusaun projetus fízikus ne’ebé promove, dezenvolve ka finansia ona husi Fundu Infraestruturas ka sira seluk, ne’ebé ninia objetivu ka atribuisaun sira maka finansiamentu bá projetu estratéjiku plurianuál no husi Diresaun Nasionál Parseria Públiku-Privadas Ministériu Finansas.

https://sdi.gov.tl/ministerio/presrealease/create 

MPIE