Dili, 10 Fevereiru 2026

Diretora Jeral Tezouru - MdF Sra. Regina de Jesus de Sousa, assesor legal Dr. Isac Mendes, no Diretora Nasionál Orsamentu Salomão Yaquim no Tékniku IFMISU Florbela, halo Dezeminasaun regras no prosedementus ezekusaun orsamentu jerál do estadu (OJE) 2026 inklui kontrolu orsamentu no sistema aprovizionamentu iha salaun enkontru MTK Kaikoli Dili.

Objetivu husi desiminasaun ne’e atu fahe informasaun kona-bá oinsá atu halo kontrolu orsamentu, hodi garante efisiente iha planeamentu no efikas iha implementasaun.

Sessaun traballu ne'e loke husi Diretór Jerál Administrasaun no Finansas, Aniceto Leto Soro no partisipa husi diretór nasionais, diretór munisipál, xefe departamentu, funsionárius sira ne'ebé iha relasaun hó assuntu refere no partisipa mós husi ajénsia autonómo sira hanesan, Autoridade Aviasaun Sivíl Timor-Leste (AACTL,I.P.), Teknolójia Informasaun no Komunikasaun Timor (TIC Timor, I.P.) no Administrasaun Navegasaun Áerea Timor-Leste (ANTL,E.P.).

Diretór Jerál Administrasaun no Finansas, Aniceto Leto Soro iha abertura hateten Desiminasaun bá regras, prosedementus ezekusaun, kontrolu orsamentu no Sistema aprovizionamentu ne'ebé hato'o husi fontes sira husi Ministériu Finansas sai hanesan informasaun ne'ebé importante bá Ministériu Transportes no Komunikasaun atu labele iha fallansu iha ezekusaun OJE 2026.

Iha okaziaun ne’e partisipante sira mós hato'o sira nia duvídas no prekupasaun no hetan kedas resposta ho esplikasaun ne'ebé klaru nomos klean husi Diretora Jerál Tezouru Ministériu Finansas, Rejina de Jesus de Sousa, asesór legál Dr.Isaac Mendes, Diretór Nasionál Orsamentu, Salomão Yaquim, Tékniku IFMISU Frobella.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊