𝗗𝗶𝗹𝗶, 𝟭𝟭 𝗝𝗮𝗻𝗲𝗶𝗿𝘂 𝟮𝟬𝟮𝟲

Reuniaun Konsellu Ministru ne’ebé realiza iha Palasiu Governu, kuarta-feira ne’e delibera projetu ne’ebé aprezenta husi Ministru Obras Públikas, Samuel Marçal, hodi autoriza despeza ho valór dolar amerikanu millaun 121,9 bá transferénsia fundu husi Orsamentu Jerál Estadu bá EDTL,EP, iha ámbitu programa “802 Eletrisidade”, ho objetivu atu asegura servisu fornesimentu eletrisidade públiku.

Aleinde ne’e Konsellu Ministru delibera mós proposta husi Ministru Obras Públikas, hodi autoriza despeza no abertura prosesu aprovizionamentu bá konstrusaun sistema abastesimentu bee moos iha Baukau. Projetu estruturante ne’e ho objetivu atu garante fornesimentu bee ne’ebé regulár no seguru ne’ebé apropriadu bá konsumu umanu bá populasaun iha munisípiu refere.

Projetu ne’e, bazeia bá estudu tékniku ne'ebé molok ne’e hetan ona validasaun, sei iha investimentu ida ne'ebé prevee besik dolar amerikanu millaun 23,4, ho objetivu atu hadi'a kondisaun saúde públika no kualidade moris komunidade lokál sira nian.

https://sdi.gov.tl/ministerio/presrealease/create 

𝗠𝗶́𝗱𝗶𝗮-𝗠𝗢𝗣