Sua Exelênsia Secretario Estado Proteção Civil (SEPC) Domingos Mariano Reis, hamutuk ho Sua Exelénsia Ministru Interior, Fransisco Da Costa Guterres PhD,akompaña Sua Exelénsia Primeiru Ministro (PM)Kay Rala Xanana Gusmão,hamutuk ho Membro Governo sira partisipa iha reuniaun Konsellu Ministro Kuarta-Feira ne‘e.

Iha Reuniaun Konsellu Ministro Aprova mós projetu Dekretu-Lei, ne'ebé aprezenta husi Sua Exelénsia Primeiru-Ministru (PM) Kay Rala Xanana Gusmão, no Sua Exelénsia Ministru Prezidénsia Konsellu Ministrus Agio Pereira kona-ba Rejime Karreira Espesiál ba Bombeirus Profisionál Timor-Leste.

Diploma ida-ne'e, Governu hakarak estabelese estatutu espesifiku ba bombeirus profisional iha Timor-Leste, hodi rekoñese natureza úniku hosi sira-nia funsaun nu'udar ajentes espesializadu ba protesaun sivil no importánsia hosi sira-nia papėl iha protesaun ba vida umana, no beins nune'e mós hodi responde ba situasaun emerjensia, asidente, no dezastres iha teritóriu nasionál tomak.

Rejime ne'ebé propoin ho ninia objetivu atu define karreira bombeirus profisional hanesan karreira espesial iha funsaun públika, estabelese ninia estrutura ierárkika, kategoria no pozisaun sira, no mós regras ba rekrutamentu, formasaun, progresaun no promosaun. Ho inisiativa ida-ne'e, Governu buka atu valoriza no dignifika karreira ne'e, asegura estabilidade ne'ebé bo‘ot liu no enkuadramentu profisionál, no reforsa kapasidade atu responde ba sistema nasionál protesaun sivil. MEDIA SEPC

Fontes: https://www.facebook.com/share/p/1AiKQeYFjQ/