𝐁𝐚𝐮𝐜𝐚𝐮, 𝟏𝟐 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔 – IX Governu Konstitusional, liuhosi Ministériu Komérsiu no Indústria (MCI), lansa tan fatuk da-huluk ba kontrusaun Merkadu Munisipál Baucau.

Lansamentu ne’e nu’udar simbolu pasu ida importante ba dezenvolvimentu ekonomia lokál iha Baucau nomos nu’udar esperansa foun ba komunidade, atu dinamiza ekonomia lokál hodi kontribui ba dezenvolvimentu nasional.

Serimónia hatuur fatuk da-huluk ne’e hala’o hosi VPM-II, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária reprezenta PM, Mariano Assanami Sabino, akompaña hosi, membru Governu, PAM Baucau no entidade sira.

𝗩𝗣𝗠-𝗜𝗜, 𝗠𝗶𝗻𝗶𝘀𝘁𝗿𝘂 𝗞𝗼𝗼𝗿𝗱𝗲𝗻𝗮𝗱ó𝗿 𝗔𝘀𝘂𝗻𝘁𝘂𝘀 𝗦𝗼𝘀𝗶𝗮𝗶𝘀 𝗻𝗼 𝗠𝗶𝗻𝗶𝘀𝘁𝗿𝘂 𝗗𝗲𝘇𝗲𝗻𝘃𝗼𝗹𝘃𝗶𝗺𝗲𝗻𝘁𝘂 𝗥𝘂𝗿á𝗹 𝗻𝗼 𝗔𝗯𝗶𝘁𝗮𝘀𝗮𝘂𝗻 𝗞𝗼𝗺𝘂𝗻𝗶𝘁á𝗿𝗶𝗮, 𝗠𝗮𝗿𝗶𝗮𝗻𝗼 𝗔𝘀𝘀𝗮𝗻𝗮𝗺𝗶 𝗦𝗮𝗯𝗶𝗻𝗼 agradese ba povu Baukau ne'ebé ho pasiensia hein durante tinan barak nia laran.

"Kompromisu Governu nian oinsá harii fatin dignu ba nia povu ka vendedór sira, hodi hala'o atividade negósiu, tanba ko'alia kona-ba dezenvolvimentu ekonomia mai husi povu, liuliu vendedór sira" 𝗩𝗣𝗠-𝗜𝗜 𝗵𝗮𝘁𝗲𝘁𝗲𝗻

𝗠𝗶𝗻𝗶𝘀𝘁𝗿𝘂 𝗞𝗼𝗺é𝗿𝘀𝗶𝘂 𝗻𝗼 𝗜𝗻𝗱ú𝘀𝘁𝗿𝗶𝗮, 𝗦𝗿. 𝗡𝗶𝗻𝗼 𝗣𝗲𝗿𝗲𝗶𝗿𝗮, mos hateten merkadu foun ne'e hanesan oportunidade di'ak ba komunidade Baukau iha futuru hodi halo negósiu. Tanba ne'e, iha lansamentu ida-ne'e foti tema "Merkadu Foun, Oportunidade Foun ba Dezenvolvimentu Ekonomia Lokál.

"Merkadu ida-ne'e sei fasilita ita-nia vendedór sira hodi hala'o atividade Hodi kontribui ba dezenvolvimentu ekonomia lokál”_ 𝗠𝗶𝗻𝗶𝘀𝘁𝗿𝘂 𝗠𝗖𝗜 𝗮𝗳𝗶𝗿𝗺𝗮

Governante ne’e subliña, liuhosi merkadu moderno ne’e komunidade sira bele hala’o atividade negósiu hodi promove produtu lokál sira tanba Baukau iha potensialidade ida-ne'ebé bele kontribui ba ekonomia lokál.

Iha fatin hanesan 𝗣𝗿𝗲𝘇𝗶𝗱𝗲𝗻𝘁𝗲 𝗣𝗔𝗠 𝗕𝗮𝘂𝗰𝗮𝘂 𝗩𝗲𝗻𝗲𝗿𝗮𝗻𝗱𝗮 𝗟𝗲𝗺𝗼𝘀 esklarese ohin marka tan istória foun ba munisipiu Baukau ne'ebé lansa konstrusaun Merkadu Munisipal, ne'ebé sei fasilita vendedór sira atu hetan fatin diak hodi hala'o negósiu.

Merkadu ne’e la’ós de’it pasu konstrusaun infraestrutúra, maibé mos marka komitmentu Governu hodi garante merkadu nu’udar espasu dignu, seguru no modernu, hodi sustenta vida ekonomika no sosial, iha nivel munisipál, nu’udar simbolu esperansa foun ba Baucau, atu hametin identidade lokál.

Partisipa iha serimónia ne’e, VPM-II Membru Governu sira, Deputado sira, Prezidente CCI-TL municipiu Baucau, Trade Invest, reprezentante husi ADN, CLN, SGP, MPIE, Amo Paroco, Intituto Publiko sira, Autoridade Polisial, Prezidente CCLM, Lideres Komunitariu, Veterano sira, Entidade sira, Inan Aman sira nomos Komunidade Baucau.

Portal do Governo de Timor-Leste

Primeiro-Ministro RDTL: Kay Rala Xanana Gusmão