Dili loron 12,fulan Fevereiru, tinan 2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed, hamutuk ho Embaixadora Austrália iha Timor-Leste. Sra Caitilin Wilson, lansa ofisiálmente programa Pacific Austrália Skills ( PAS) iha Timor-Leste.

Iha diskursu Sekretáriu Estadu hateten, sente onradu tebes bele partispa iha serimònia ba lansamentu programa PAS iha Timor-Leste.

"onra boot ida atu hamriik iha ne'e, ba lansamentu ofisiál Pacific Australia Skills (PAS) iha Timor-Leste" hateten Sekretáriu Estadu iha serimònia Lansamentu Programa PAS iha Hotel PALM Spring

Sekretáriu Estadu salienta katak, Hanesan Governante ida ho esperansa Programa PAS, sei fó oportunidade ba komunidade sira aprende ho formasaun ne'ebé as atu nune'e sira bele kria rasik empregu ba sira nia an no ema seluk.

"Nu'udar membru governu, ha'u nia espetativa Pacific Australia Skill tenke reprezenta Oportunidade ba komunidade sira ho formasaun ne'ebé kualidade no dezenvolvimentu profisionál, Parseria forte entre indústria no edukasaun no Dalan sira ba empregu no empreendedorizmu, Ami fiar katak bainhira ema hetan abilidade, sira hetan independénsia." Tenkik Sekretáriu Estadu.

Iha serimònia ba lansamentu programa Pacific Austrália Skills PAS hetan partisipasaun husi entidades sira hanesan, (SEFOPE) Embaixada / DFAT, Pasífiku Austrália Skills, Sentru Formasaun & Parseiru Indústria sira , CFP Dom Bosco, João Paulo II, Young Vision, Canossa , IADE, LELI, SOLS 24/7, AHISAUN, LABEH, INCANTO, FONGTIL, CNJTL, FOKUPERS, ADTL, Caltec, Timor Gap, ANPM, BNCTL, IOB no sira seluk tan.