Ministériu Finansas liuhusi Diresaun Jerál Tezouru, Unidade Apoiu Jurídiku, hamutuk ho Komisaun Funsaun Públika disemina Dekretu-Lei Nu. 3/2026, 3 Fevereiru-Rejime Jurídiku ba Kontratu Traballu ho Termu Sertu (Prazu Determinadu) Iha Administrasaun Públiku.

Dekretu lei ne’ebé atu dizemina ohin maka dekretu Lei numeru 3/2026, 3 Fevereiru ne’ebé trata reaprova kona-ba rejime jurídiku kontratu traballu termu sertu iha administrasaun públika, alterasaun ladun boot maibé iha tolu prinsipál iha diploma anterior maka dekretu numeru 6/2015. Primeira alterasaun maka ajusta tabela salariál, limite masimu salariu oitu mil mai iha sinku mil.

Segundu, Eleva dekretu governu ne’e sa’e nivel dekretu lei fali, terseiru maka sesaun ne’ebé trata kona-ba resen graduadu ita hasai tia husi dekretu lei ida ne’e.

Iha okaziaun ne’e Xefe Unidade Apoiu Jurídiku Ministériu Finansas Sr. Isac Menezes, ba partisipante sira informa, objetivu rua prinsipál iha introdusaun rejime jurídiku kontratu termu sertu dahuluk, permite kontratasaun ba traballu ho kualidade profísionál no tékniku espesializadu ne’ebé integra iha kuadru serbisu públiku sira, ba satisfasaun nesesidade tranzitoriu ho durasaun determinada.

Daruak, disiplina iha jestaun finansas públikas hodi asenta iha nesesidade kontratasaun traballu profísionál tantu tékniku espesializada obedese ba prinsípiu kustu benefisiu.

Rejime jurídiku ida ne’e aplika ba kontratu termu sertu hotu ne’ebé serbisu iha administrasaun públika inklui sira ne’ebé serbisu iha gabinete ministeriál sira, iha mós instituisaun balun ne’ebé la sujeitu ba rejime ida ne’e hanesan, empreza públiku sira, entidade administrativa independente ne’ebé iha funsaun reguladora, banku sentrál no kontratasaun ho rejime espesiál.

Aleinde ne’e Prezidente Komisaun Públika Sr. Letêncio de Deus, mós esplika durante ne’e barak mak la tuir prosedimentu rekrutamentu ho lei foun ne’e, rekrutamentu ba termu sertu tenke klaru tuir grau, eskalaun no kbiit orsamentu nian. Hanesan mós transparensia kona-ba lei ne’ebé haruka husi Primeiru Ministru hodi hadi’a lala’ok administrasaun públika nian.

Atividade ne’e realiza iha sala auditorium Ministériu Finansas Aitarak-laran, hetan prezensa masimu husi funsionáriu entidade reguladora, institutu públiku, empreza públika no liña ministériu sira.

#Foto #Ekipa #Media #Ministeriufinansas

Fontes: https://www.facebook.com/share/p/1H6yCSbJGw/