𝐀𝐢𝐧𝐚𝐫𝐨, 𝟏𝟒 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔: Sekretáriu Estadu Dezenvolvimentu Lokál (SEDL), Mateus W. dos Santos Tallo, partisipa iha seremónia lansamentu ofisiál bá Projetu Rehabilitasaun Estrada Urbana Munisipiu Ainaro.

Projetu ida ne’e lansa direitamente husi Primeiru-Ministru Kay Rala Xanana Gusmão, liu husi hatúr fatúk dahuluk no asina kontratu entre Ministru Obras Públikas Samuel Marçal ho Kontratór Fortuna Start Unipessoal, Lda, nomós Riqueza Gavinto Unipessoal, Lda.

Entretantu reabilitasaun Estrada Urbana Pakote I Projetu rehabilitasaun estrada Ainaro Vila, Munisipiu Ainaro Package I.I-6.058.02 km sei konstrui husi kompania Fortuna Start Unipessoal, Lda, numeru kontratu SSS/009/MOP-2026, valor kontratu $4.324.875.82 durasaun kontratu fulan 6. no rehabilitasaun Estrada Urbana Ainaro Vila Pakote II.I-6193.25 km, sei konstrui husi kompania, Riqueza Gavinto Unipessoal, Lda ho numeru kontratu SSS/010/MOP-2026, valor kontratu $ 4,324.875,82 durasaun kontratu fulan 6.

Partisipa iha serimonia lansamentu ne’e mak Membru Governu, membru Parlamentu Nasionál, Prezidente Autoridade Munisipiu Ainaro ho Administradór Postu Administrativu sira, Veteranus, PNTL, Autoridade Lokal sira, Estudantes, no Populasaun en-jerál Munisipiu Ainaro nian.

Media SEDL

Fontes: https://www.facebook.com/share/p/1Hc2vNjLV3/