Dili, 13 Fevereiru 2026

Vise Ministru Komérsiu no Industria Sr. Augusto Junior Trindade, ho Ministru Petróleu no Rekursus Minerais (MPRM), Francisco da Costa Monteiro akompaña Primeiru Ministru Sr. Kay Rala Xanana Gusmão, hasoru malu ho na’in bá WestStar Group Malázia, Tan Sri Dato' Seri Dr. Syed Azman hasoru-malu iha Palásiu Governu, sexta ohin.

“𝐍𝐚’𝐢𝐧 𝐛𝐚́ 𝐖𝐞𝐬𝐭𝐒𝐭𝐚𝐫 𝐆𝐫𝐨𝐮𝐩 𝐌𝐚𝐥𝐚́𝐳𝐢𝐚, 𝐦𝐚𝐢 𝐞𝐧𝐤𝐨𝐧𝐭𝐫𝐮 𝐤𝐨𝐫𝐭𝐞𝐳𝐢𝐚 𝐢𝐝𝐚 𝐡𝐨 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐭𝐚𝐧𝐛𝐚 𝐝𝐮𝐫𝐚𝐧𝐭𝐞 𝐧𝐞’𝐞 𝐖𝐞𝐬𝐭𝐒𝐭𝐚𝐫 𝐤𝐨𝐧𝐬𝐨́𝐫𝐬𝐢𝐮 𝐡𝐨 𝐓𝐢𝐦𝐨𝐫 𝐆𝐀𝐏 𝐡𝐨𝐝𝐢 𝐨𝐩𝐞𝐫𝐚 𝐞𝐥𝐢𝐤𝐨́𝐩𝐭𝐞𝐫𝐮 𝐫𝐮𝐚, 𝐟𝐨𝐫𝐧𝐞𝐬𝐞 𝐬𝐞𝐫𝐯𝐢𝐬𝐮 𝐭𝐫𝐚𝐧𝐬𝐩𝐨𝐫𝐭𝐚𝐬𝐚𝐮𝐧 𝐚𝐞𝐫𝐨, 𝐭𝐮𝐥𝐚 𝐬𝐚𝐬𝐚𝐧 𝐧𝐨 𝐞𝐦𝐚 𝐡𝐨𝐬𝐢 𝐃𝐢𝐥𝐢 𝐁𝐚𝐲𝐮-𝐔𝐧𝐝𝐚𝐧,”Ministru Francisco da Costa Monteiro hateten. Servisu hamutuk ne’e la’o tiha ona durante tinan ida no susesu tebtebes tanba konsege transporta no semo to’o oras 100.000 laiha asidente ruma. Tanba ne’e maka Tan Sry mai iha Timor atu selebra susesu ne’e hamutuk ho ninia ekipa operasionál sira.

Bá oin hamutuk ho Timor GAP kontinua halo diskusaun hodi bele fortifika sira-nia join venture ne’e no haree antesipa daudaun ona iha futuru Greater Sunrise bainhira mai hanusa maka Timor GAP ho WestStar bele servisu hamutuk hodi fornese servisu balun inklui elikópteru bá projetu ne’e.

Biban hanesan, na’in bá WestStar Group Malázia, Tan Sri Dato' Seri Dr. Syed Azman hateten, iha hasoru-malu ho Primeiru-Ministru ne’e ko’alia kona-bá servisu hamutuk sira ne’ebé durante ne’e hala’o liu-hosi konsórsiu ho Timor GAP ne’ebé apoia elikópteru rua hodi transporta sasan ho tékniku sira iha projetu Bayu-Undan.

Weststar Aviation Services Sdn Bhd ninia baze operasaun negósiu hanesan Weststar Aviation Services nu’udár empreza aérea la'ós ajendadu ida ne'ebé baze iha Malázia, involve liu-liu iha transporte pesoál mina-rai no gás nian.

Ninia baze prinsipál lokaliza iha Aeroportu Sultan Abdul Aziz Shah ho nia prezensa iha nasaun estranjeiru hitu seluk.