Asuntu : 𝐒𝐄𝐊𝐎𝐌𝐒 𝐀𝐒𝐈𝐍𝐀 𝐊𝐎𝐍𝐓𝐑𝐀𝐓𝐔 𝐒𝐔𝐁𝐕𝐄𝐍𝐒𝐀𝐔𝐍 𝐏Ú𝐁𝐋𝐈𝐊𝐀 𝐇𝐎 𝐀𝐒𝐎𝐒𝐈𝐀𝐒𝐀𝐔𝐍 𝐉𝐎𝐑𝐍𝐀𝐋𝐈𝐒𝐓𝐀 Dili, 22/7/2025, Sekretáriu Estadu Komunikasaun Sosial Expedito Loro Dias Ximenes Terca-feira ne’e asina kontratu subvensun públika 2025 ho prezidenti Asosiasaun jornalista sira ba durasaun fulan nen (6), serimonia asina kontratu ne’e hala’o iha salaun enkontru DNDM Palasiu governu Dili. Asina kontratu subvensaun públika ne’e nu’udar programa IX Governu nia ho objetivu atu promove liberdade espresaun no liberdade imprensa iha rai laran. Inisiativa ida ne’e nu’udar parte ida husi esforsu sira ne’ebe la’o dadaun atu hasa’e panorama Média nian iha Timor-Leste hodi garante katak jornalista sira nia direitu no liberdade hetan protesaun. Apoiu ne’ebe SEKOMS fornese ba Asosiasaun jornalista sira serve atu tulun sira nia inisitiva hodi promove literasia Media Iha Timor-Leste, esforsu sira ne’e foka ba direitu dijitál sira , no kombate informasaun laloos. Iha ambitu asina kontratu ne’e Sekretáriu Estadu Komunikasaun Sosial Expedito Loro dias Ximenes husu ba Prezidenti Asosiasaun sira atu jere apoiu ne’ebe governu fornese jere ho diak no kuidadu nune’e fo formasaun ba Jornalista sira iha area sira hanesan kombate fake news, oinsa adaptasaun iha espasu dijital artefisial intelejénsai (AI) no formasaun klean liu liliu iha area jornalismu investigativu. Iha fatin hanesan Prezidenti Timor-Leste Press Union (TLPU) Candido Alves hateten Governo no jornalista misaun ida deit nune’e servisu hamutuk atu oinsa hamenus lia falsu iha media sosial tanba TLPU no organizasaun jornalista sira seluk la aseita lia falsu ne’e buras ba bebeik iha Timor-Leste, nune’e Asosiasaun Jornalista prontu kolabora ho orgaun sira hotu hodi kombate lia falsu sira iha Timor_leste. Asina kontratu ne’e marka prezensa husi Prezidenti AKRTL, Prezidenti TLPU, Reprejentante AJTL no Prezidenti UPJTL no nia membru sira. #Media SEKOMS
Data Publica : 28 Jul 2025
Descrisaun :
