Maliana, 15 Fevereiro 2026- Ministru Komérsiu no Indústria Sr.Nino Pereira participa iha seremónia Inaugurasaun ba Edefísiu Foun Kaebauk Investimentu no Finansas, S.A., Sukursal Maliana.

Seremónia Inaugurasaun ba Sukursal Maliana lokaliza iha Aldeia Genuha'an, Suco Odomau, Postu Administrativu Maliana, Munisipiu Bobonaro (14/02/26). Ministru MCI iha nia diskursu apresia ho Prejensa Kaebauk nian ne’ebe kontinua fó kontribuisaun ba povu Timor-Leste. “Prejensa Kaebauk tinan 25 no ba oin tan sei kontinua fó tulun ba ita nia Governu, no fó oportunidade ba ita nia inan-feton sira atu bele hala’o atividade ho diak liu tan.”𝙝𝙖𝙩𝙚𝙩𝙚𝙣 𝙈𝙞𝙣𝙞𝙨𝙩𝙧𝙪 𝙈𝘾𝙄

Kaebauk Investimentu no Finansas, S.A. nudar instituisaun mikrofinansas ne'ebé hala'o atividade iha área servisu finanseira, hodi fo atendimentu ba maluk negosiante ki'ik no naton sira, liuliu ba sira ne'ebé hela iha área rurál no labele hetan asesu ba servisu bankária. Instituisaun ida ne'e hala'o nia atividade iha território Timor-Leste tomak, ho total edifisiu sukursál 21.

To'o loron 31 Dezembru 2025, Kaebauk Investimentu no Finansas, S.A. fornese servisu finanseira ba kliente nain 22.561 (rihun rua-nulu resin rua, atus lima nen-nulu resin ida), ho montante osan imprestimu hamutuk liu US$ 45,880,000.00 (Dólar Amerikanu tokon hat-nulu resin lima,atus walu resin rihun walu nulu).