Día, 14 Fevereiru de 2026, Ministério da Agricultura, Pecuária, Pesca e Florestas (MAPPF), liu husi Secretário de Estado das Florestas (SEF), hamutuk ho Ministério Turismo no Ambiente, Parseiro Dezenvolvimento ANL, Rotary Club Díli no Estudante Insino Basico Hera, Celebra Loron Valentine's Day hodi kuda Ai-parapa iha área Kosteira Hera, Munisipiu Dili.

𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, informa objectivu prinsipal husi Kuda ai parapa maka halao rehabilitasaun ba área mangal (ai parapa) iha liña kosteira Timor-Leste hodi proteje komunidades no biodiversidades kosteira baseia ba programa nonu Governo Constitusional ne'ebé maka hetan ona aprovasaun iha Parlamento Nasional 2023-2028.

"Objectivu kuda Ai parapa iha Loron Valentine's day hodi involve estudante sira atu ita hadomi ema ho ema maibé ita mós hadomi ita nia natureza no ambiente, sai hanesan parte ita ema nia moris tomak, hodi hasae konsensia estudante sira nian husi ki'ik to'o bo'ot. Hodi nune sira bele transforma konsensia ida ne'e ba ema seluk liu-liu inan aman sira" dehan S.E.SEF.

Pontos prinsipal husi rehabilitasaun ba área mangal (ai parapa) maka atu protége no prevene laloran tasi ne'ebé sempre foti rai maran, hanesan casa komum ba habitat biodiversidade flora no fauna hanesan ikan no balada fuik sira seluk, asolve karbonu dioksida husi atmosfera hodi nune bele prevene gas rumah kaca, hasae ekonómia lokal komunidade rúral, protégé ekosistema no hasae kualidade Ambiental.

Partisipa iha kuda ai parapa maka Sua Excelensia Secretário de Estado das Florestas, Diretór Nasional Biodiversidade Ministério do Turismu e Meio Ambiente, Diretora Rotary Club Díli, Diretora ANL Timor-Leste, Profesora no Estudante insino Basico Hera-Díli.

Bainhira remata atividade kuda ai-parapa iha Hera, Sua Excelênsia Secretário de Estado das Florestas kontinua ba partisipa primeira koileta Ikan iha Suco de Vatuboro, Posto Administrativo Loes, Munisipiu Liquiça.