𝗗𝗶𝗹𝗶, 𝟭𝟯 𝗙𝗲𝘃𝗲𝗿𝗲𝗶𝗿𝘂 𝟮𝟬𝟮𝟲.

Ministru Obras Públikas, Samuel Marçal, iha loron sesta-feira akompaña husi ekipa tékniku Ministériu Obras Públikas, hasoru malu ho Prezidente Repúblika, Dr. José Ramos-Horta,iha palasiu Prezidensial Nicolão Lobato,Bairo Pite.

Iha sorumutu ne’e, Ministru Obras Públikas, Samuel Marçal aprezenta planu konstrusaun jardín ne'ebé sei hahú husi Ponte Habibie to'o Kristu Rei bá Xefe Estadu.

Aleinde ne’e Ministru Obras Públikas aprezenta planu alargamentu Estrada inklui relata mós progresu kona-bá pagamentu bá komunidade sira ne'ebé afetadu husi projetu alargamentu estrada husi Bidau bá Becora. Iha Sorumutu ne'e Ministru Obras atualiza bá Xefe Estadu kona-bá dezenvolvimentu infraestrutura bázika sira ne'ebé la'o hela iha rai laran.

Iha atualizasaun kona-bá dezenvolvimentu infraestrutura bázika Xefe Estadu kontente tebes hafoin rona aprezentasaun husi Ministru Obras Públikas.

https://sdi.gov.tl/ministerio/presrealease/create 

𝗠𝗶́𝗱𝗶𝗮-𝗠𝗢𝗣