Dili – Estadu Timor-Leste (TL) deside hodi kansela misaun pás iha Guiné-Bissau no Primeiru-Ministru (PM), Kay Rala Xanana Gusmão husu deskulpa bá Governu Tranzisaun Guiné-Bissau nian.

Primeiru-Ministru ne’e esplika, Timor-Leste deside hodi kansela misaun pás atu rezolve problema polítika ne’ebé akontese iha Guiné-Bissau tanba Governu tranzisaun iha Guiné-Bissau konsidera Timor-Leste la folin buat ida no la merese atu ajuda sira.

“𝐇𝐚’𝐮 𝐡𝐮𝐬𝐮 𝐝𝐢𝐬𝐤𝐮𝐥𝐩𝐚 𝐛𝐚́ 𝐆𝐨𝐯𝐞𝐫𝐧𝐮 𝐭𝐫𝐚𝐧𝐳𝐢𝐬𝐚𝐮𝐧 𝐆𝐮𝐢𝐧𝐞́-𝐁𝐢𝐬𝐬𝐚𝐮. 𝐇𝐚’𝐮 𝐦𝐨́𝐬 𝐫𝐨𝐧𝐚, 𝐤𝐮𝐢𝐭𝐚𝐝𝐮 𝐡𝐚’𝐮 𝐧𝐞’𝐞 𝐬𝐞́. 𝐈𝐡𝐚-𝐧𝐞’𝐞 𝐡𝐚’𝐮 𝐬𝐞𝐦𝐩𝐫𝐞 𝐝𝐞𝐡𝐚𝐧 𝐞𝐫𝐨́𝐢 𝐥𝐮𝐭𝐚 𝐫𝐞𝐳𝐢𝐬𝐭𝐞́𝐧𝐬𝐢𝐚 𝐧𝐢𝐚𝐧 𝐦𝐚𝐤 𝐢𝐭𝐚-𝐧𝐢𝐚 𝐩𝐨𝐯𝐮. 𝐋𝐚𝐢𝐡𝐚 𝐞𝐫𝐨́𝐢 𝐬𝐞𝐥𝐮𝐤. 𝐍𝐞’𝐞𝐛𝐞́ 𝐡𝐚’𝐮 𝐧𝐞’𝐞 𝐥𝐚’𝐨́𝐬 𝐞𝐫𝐨́𝐢. 𝐇𝐚’𝐮 𝐥𝐚 𝐝𝐞𝐟𝐞𝐧𝐝𝐞-𝐚𝐧. 𝐇𝐚’𝐮 𝐡𝐚𝐤𝐫𝐮’𝐮𝐤 𝐭𝐞𝐛𝐭𝐞𝐛𝐞𝐬 𝐦𝐚𝐢𝐛𝐞́ 𝐡𝐨 𝐏𝐫𝐞𝐳𝐢𝐝𝐞𝐧𝐭𝐞 𝐑𝐞𝐩𝐮́𝐛𝐥𝐢𝐤𝐚 𝐚𝐦𝐢 𝐝𝐞𝐬𝐢𝐝𝐞 𝐭𝐢𝐡𝐚 𝐨𝐧𝐚 𝐥𝐚 𝐡𝐚𝐫𝐮𝐤𝐚 𝐦𝐢𝐬𝐚𝐮𝐧 𝐛𝐚́. 𝐈𝐭𝐚 𝐦𝐚𝐤 𝐤𝐚𝐧𝐬𝐞𝐥𝐚 𝐭𝐚𝐧𝐛𝐚 𝐬𝐢𝐫𝐚 𝐝𝐞𝐡𝐚𝐧 𝐓𝐢𝐦𝐨𝐫 𝐧𝐞’𝐞 𝐛𝐚 𝐡𝐚𝐥𝐨 𝐬𝐚𝐢𝐝𝐚. 𝐈𝐦𝐢 𝐧𝐞’𝐞 𝐥𝐚 𝐟𝐨𝐥𝐢𝐧 𝐛𝐮𝐚𝐭 𝐢𝐝𝐚, 𝐢𝐦𝐢 𝐦𝐚𝐢 𝐟𝐚𝐥𝐢 𝐚𝐣𝐮𝐝𝐚 𝐚𝐦𝐢,” dehan PM Xanana.

Desizaun hodi kansela misaun pás ne’e verbál de’it no la hakerek karta formál bá Governu Tranzisaun Guiné-Bissau.

Ho kanselamentu ne’e, Xefe Governu dehan la fó impktu bá relasaun entre rai rua tanba daudaun ne’e Timor-Leste assume hela Prezidénsia CPLP no iha fulan-Jullu selebra aniversáriu CPLP nian iha TL ne’ebé sei partisipa hosi ministru sira hosi nasaun membru tomak.

Tuir loloos Timor-Leste atu hala’o misaun pás iha Guiné-Bissau atu fó Solidariedade entre nasaun lusófonu sira tanba Timor-Leste ho Guiné-Bissau hanesan membru bá CPLP.

Timor-Leste hanesan nasaun ne’ebé hetan ona esperiénsia konflitu no rekonstrusaun, nune’e hakarak fó apoiu bá nasaun seluk ne’ebé ko’alia lian Portugés no presiza estabilidade.

Alénde ne’e atu apoia estabilidade polítika no seguransa, tanba Guiné-Bissau hetan ona problema polítika no militár barak hanesan golpe estadu no instabilidade Governu.

Timor-Leste haruka péritu sira hanesan polísia no militar atu ajuda Reforma seitór seguransa, hametin órdem no pás sosiál.

Timor-Leste iha esperiénsia rasik, depois independénsia iha 2002, simu ona misaun pás hosi United Nations. Tanba ne’e, Timor-Leste sente katak importante atu kontribui fila-fali bá pás mundiál, liu-liu bá nasaun ne’ebé iha situasaun hanesan. (©MediaGPM)

Fontes: Governu Timor-Leste kansela misaun pás iha Guiné-Bissau: Xanana Gusmão husu deskulpa | Portal GVMAP