Bobonaro (17/2/2026) Ministériu Agrikultura Pekuária Peska no Floresta entrega Pato Mareko (manu-rade) sia nulu (90) ba grupu agrikultór tolu atu bele kombate peste Karakol ne’ebé mak estraga hare banhira agirikultór sira kuda hare, maibé MAPPF entrega uluk Pato Mareko 30 ba grupu agrikuiltór ida no sei kontinua entrega ba grupu seluk iha tempu badak. Atividade entrega pato mareko ne’e realiza iha suku Lahomea Aldeia Genuha Postu Admintrativu Maliana Villa.

Ministru MAPPF, Marcos “MAMETA” da Cruz esplika, objetivu entrega manu ka pato mareko ne’e atu bele kombate peste karokol ho Sistema biolojiku katak animal ida han fali animal seluk banhira ita huisk iha natar laran atu nune’e ba oin labele uza tan pestisida hodi bele estraga ka reduz kualidade ambiente hanesan rai.

Ministru salienta, Ministériu buka meius atu introduz sistema ne’ebé diak no fasíl atu aumenta produsaun ne’eduni husu ba agrikultór sira katak pato mareko ne’eb’e mak ohin simu ne’e atu kuidadu didiak no kontinua habarak nune’e iha tempu kuda hare banhira hare moris bele huisk iha natar laran nune’e bele ajuda agrikultór sira kombate peste karakol refere.

Iha fatin hanesan, Prezidenti Autoridade Municipal (PAM) Bobonaro, Paul Moniz Maya hatete, Ministériu entrega Pato Mareko ba agrikultór sira katak funsaun husi pato mareko ne’e atu bele husik iha natar-laran banhira hare moris ona hodi bele han ka kombate peste karakol no Pato ne’e sei la estraga hare tahan no hare kai, ne’eduni husu ba inan-aman sira tenki servisu maka’as katak tinan ne’e tenki hasa’e produsaun ho kuatidade barak iha Minisípiu Bobonaro. Ekipa DMEA