𝟏𝟕 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

==============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, simu Embaixadór Fransa la’ós rezidente, Fabien Panome, iha Díli, hodi ko’alia kona-bá oinsa reforsa kooperasaun ekonómika entre nasaun rua ne’e iha futuru.

Iha enkontru ne’e, parte rua diskute oportunidade parseria iha área investimentu, komérsiu, dezenvolvimentu sustentável, inovasaun sira, hodi hasa’e kreximentu ekonómiku. Vise-PM, Dato’ Seri Francisco Kalbuadi Lay, destaka importánsia Timor-Leste nian atu atrai investimentu estranjeiru no promove ambiente di’ak ba negósiu, no reafirma kompromisu Governu nian atu konsolida parseria estratéjika sira ba dezenvolvimentu nasionál.

Iha parte seluk, Embaixadór Fransa, manifesta interese nasaun nian atu aprofunda kooperasaun ekonómika ho Timor-Leste. Reuniaun ne’e hala’o iha Gabinete Vise-PM, Farol, Tersa, 17 Fevereiru 2026.