𝐃í𝐥𝐢, 𝟐𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔 – Ministru Komérsiu no Indústria, Sr. Nino Pereira, simu vizita kortezia husi Embaixadór Japaun iha Timor-Leste, Sr. Yasushi Yamamoto, iha sala reuniaun Ministru MCI, Fomentu Mandarin Dili.

Enkontru ne’e fó oportunidade ba parte ida-idak atu troka ideia kona-ba relasaun kooperasaun ekonomika entre Timor-Leste ho Japaun. Ministru Nino Pereira hato’o apresiasaun ba kontribuisaun Japaun nian liuhosi JICA ne’ebe durante ne’e suporta ona Ministériu Komérsiu no Indústria(MCI), iha area Indústria Manufatureira, kapasidade institusionál, ba dezenvolvimentu ekonomika iha Timor-Leste.

Embaixadór Yasushi Yamamoto mos reafirma kompromisu Japaun atu kontinua fo asiténsia ba Timor-Leste, ne’ebé fó benefísiu ba relasaun diplomátiku iha komérsiu.

Vizita kortezia ne’e hatudu relasaun amizade no kooperasaun ne’ebé forte entre Timor-Leste ho Japaun, no loke perspetiva foun ba parceria ekonomika iha futuru.