Dili, 14 Fevereiru 2026

Ministru Transportes no Komunikasaun, Eng.Miguel Marques Gonçalves Manetelu akompaña Prezidente Repúblika José Ramos-Horta, partisipa Gala Tinan Foun Lunáriu 2026, ne’ebé organiza husi Telemor iha ótel JL World Metiaut Dili.

Telemor selebra tinan Foun Lunáriu hamutuk ho Prezidente Repúblika, Ministru Transportes no Komunikasaun no komunidade Vietnam iha Timor-Leste. Tema bá selebrasaun tinan foun lunáriu tinan ne’e maka : Iha espíritu vibrante Tinan Kuda nian, ita halibur hodi fó onra, ami nia parseria no marku sira ne'ebé ami fahe ona. Hamutuk, ami simu bee-matan foun ida ho enerjia no prosperidade ne'ebé laiha limite”.

CEO Telemor Ethan hateten tinan foun lunáriu tempu ne'ebé santu no signifikativu liu iha tinan ida nia laran. Tempu ida bá kura, reflesaun kona-bá viajen ne'ebé ita hala'o ho gratidaun no hateke bá oin, tinan foun ho esperansa nomos otimizmu.

“Ohin la'ós de'it selebrasaun finál tinan foun lunáriu nia. Ema Vietname sira, tempu ne'ebé santu no signifikativu liu iha tinan ida nia laran. Tempu ida bá kura, reflesaun kona-bá viajen ne'ebé ita hala'o ho gratidaun no hateke bá oin, tinan foun ho esperansa nomos otimizmu. Ema Vietname sira ne'ebé hela no servisu iha Timor-Leste, iha signifikadu ida ne'ebé espesiál liután. Ne'e momentu ida bainhira ita hanoin hikas momentu ida no mós bainhira ita realiza, iha ne'ebé de'it iha terror, ligasaun no solidariedade, fatin ne'e sai uma. Iha tinan hirak liu bá, Telemor buras hamutuk ho Timor-Leste” dehan CEO Telemor Etan.

“Buat ne’ebé halo ami orgullu duni la’os de’it ami-nia servisu ka infraestrutura, maibé konfiansa no relasaun metin ne’ebé ami harii ona ho governu, ami-nia parseiru sira, ami-nia kolega timoroan sira nomos komunidade vietnamita sira hotu iha ne’e. Ami apresia teb-tebes apoiu kontinua no konfiansa husi governu Timor-Leste. Ministériu sira no autoridade relevante sira, ita-boot sira-nia kooperasaun no parseria fó fundasaun bá Telemor atu dezenvolve ho sustentável no kontribui ho pozitivu bá sosiedade” CEO Telemor Etan hatutan.

Iha okaziaun ne’e Ministru Manetelu iha nia diskursu selebrasaun tinan foun lunáriu tinan ne'e selebra lasu amizade entre Timor-Leste no Vietnam liu husi Telemor.

“Selebrasaun ida ne’e buat ne’ebé importante maka, amizade, servisu iha ekipa, Tinan Foun Lunáriu hanesan tempu espesiál atu reflete bá tinan kotuk no hateke bá oin ho esperansa. Iha parte seluk, fó hanoin mai ita atu apresia malu no lasu sira ne'ebé ita fahe” dehan Ministru Manetelu iha nia diskursu.

Ministru Manetelu afirma Governu subliña Telemor nia papél hodi hadi'a konetividade no fornese servisu telekomunikasaun ne'ebé di'ak liu bá povu Timor-Leste. Governu hein atu kontinua parseria ida-ne'e iha tinan sira tuir mai.

Prezidente Repúblika José Ramos-Horta iha nia diskursu hateten Timor-Leste ho Vietnam nia relasaun hahú kedas iha inísiu luta bá ukun rasik-an.

“Relasaun Timor-Leste ho Vietnam hahú kedas iha inísiu luta bá ukun rasik-an, bainhira Vietnam fó apoiu bá ita. Embaixada Vietname nian, porezemplu, iha Mosambike, iha ne'ebé ami iha eskritóriu rezisténsia nian, eskritóriu fratriku iha Mosambike, ami hetan apoiu boot tebes husi embaixada Vietname nian no relasaun ne'ebé di'ak tebes. Dehan Prezidente Ramos-Horta

Xefe Estadu agradese bá povu Primeiru-Ministru Vietname nia apoiu Timor-Leste tama ASEAN.

“Molok desizaun ne’e foti, iha enkontru ida iha Hanoi, PM, Vietnam ko’alia ona ho Kamboja, Laos no Vietnam, nasaun tolu ne’e hotu ne’ebé sei apoia maka’as Timor adere bá ASEAN. Primeiru-Ministru Vietname nian ko’alia ho Aguam, iha rejiaun Malázia nian. Entaun, sira hotu halo esforsu konsertradu atu Timor-Leste bele adere bá ASEAN. Ami hein vizita husi Primeiru-Ministru Vietname nian iha fulan balun tuir mai no nia sei simu ho laran-di'ak’’ Prezidente Ramos-Horta” afirma.

Selebrasaun Tinan foun lunariu ne’e partisipa mós husi Embaxadóra Cuba iha Timor-Leste, entidade estadu balu no komunidade Vietnam iha Timor-Leste.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊